Luc. 23:10 - Manobo Sarangani

¹⁰ Migpedapag se menge pengolo te simbahan aw menenoladà te punù, aw neopal dan migdimanda tepad kandin.

Luc. 23:10 ပူးပေါင်းရင်းမြစ်များ

Ininang 24:5

Netegahan day te ontò medaet se otaw seini, so egsemoken din se kedita te Judiyo dini te kebelad te keneyonan, aw sikandin se egpengibing te menge otaw egpemenal te sebad otaw tege Nasarit.

Luc. 23:5

Meneng labi dan pa migleges kandin, kagi dan, “Gayed sikandin egsamok te kedita te otaw, so yan se ipegtoladà din kidoen te kebelad te Judiya, lekat te Galiliya taman dini.”

Luc. 23:2

Migdimanda dan tepad ki Jesus, kagi dan, “Kinità day se otaw seini megsamok peden te pongan day, so migtoladà sikandin te eked kepakay aw mayad kay te mihoras diyà te gobirno te Roma. Migpelingo-lingo heman sikandin Misiyas, sìyan selotan lomowan kenami.”

Luc. 11:53

Nayan, nesayo si Jesus lekat te balay sìyan. Meneng se menge Parisiyo aw menenoladà te punù, gayed dan mig-insà diyà kandin so medaet se pedowan dan kandin.

Mat. 27:12

Meneng pegdimanda te menge pengolo te simbahan aw menge obanen te Judiyo tepad ki Jesus, pengkey wedad salà din, meneng wedà palos sikandin ikagi.

Luc. 23:9

Yan se doun te medita se in-insà i Herod diyà ki Jesus, meneng wedà palos taba.

Luc. 23:11

Gayed nebebayat si Herod aw kedita te sondalo din, aw migpelingo-lingo dan te pegsagman dan kandin iling te pegsagman dan te selotan. Penga niyan, pineseolan i Herod si Jesus te ontò mèpiya saol iling te ekasan te selotan, aw impelikò din doton ki Pilato.