Luc. 22:69 - Manobo Sarangani

⁶⁹ Meneng te eked kenamay, menenoo a Timanem Migpekeotaw kidoen te tangkil te Timanem metolos amon lomowan a doma din.”

Luc. 22:69 ပူးပေါင်းရင်းမြစ်များ

Menge Hebreo 1:3

Pineokit heman kandin, ipegpekità se kelangkaw te Timanem, aw sikandin se egkitaan tadon te ketanem te Timanem. Sikandin se egbayà-bayà te kedita te neinang dini te keneyonan pineokit te kagi din metolos. Pegkepenga din te miglinis kenitadon lekat te salà, minolì sikandin doton te langit, aw minonsad sikandin kidoen te tangkil te Timanem Melangkaw amon lomowan doma din.

Mar. 16:19

Nayan, penga te peg-ikagi i Jesus diyà kandan, neengat sikandin doton te langit, aw nenenoo kidoen te tangkil te Timanem amon lomowan doma din.

Mar. 14:62

Minikagi si Jesus, “Benal iyan. Komità kaw kanak Timanem Migpekeotaw egpenenoo kidoen te tangkil te Amay ko metolos amon lomowan a doma din. Lomikò a heman dini lekat te langit tekingan te labon.”

Mat. 26:64

Minikagi si Jesus, “Benal se inikagi nikaw. Mikagi a den kani diyà kenyo. Te eked kenamay, komità kaw kanak Timanem Migpekeotaw egpenenoo kidoen te tangkil te Amay ko metolos amon lomowan a doma din. Lomikò a heman dini lekat te langit tekingan te labon.”

Mat. 22:44

‘Minikagi se Timanem diyà te Pengolo ko, Penenoo ka dini te tangkil ko lamig dàgen ko se menge poon no aw ipetolò ko dan kamno.’

Impekità 22:1

Penga niyan, impekità din kanak se wayeg iningedanan Wayeg Mekebegay te Kaling Pedowan. Ontò iyan metìngaw iling te ispiho, aw egtebol kidoen te onsedanan te Timanem aw Karniro.

Impekità 3:21

Se kedita te otaw eked dàgi te kededàtan, yan se ipeonsad ko kidoen te tangkil ko dalem te peglowan ko, iling te peg-onsad ko kidoen te tangkil te Amay ko penga te pegdaeg ko te kedita.

1 Pedro 3:22

Dimoton sikandin diatas te langit. Minonsad den sikandin kidoen te tangkil te Timanem aw eglowan heman doma din. Impelowan sikandin diyà te kedita doton te langit, pengkey kedita te anghil aw menge doma metolos.

Menge Hebreo 12:2

Keilangan tomaking kidon ki Jesus, so sikandin se ontò tadon peg-ilingan te pegsalig tadon diyà te Timanem, aw meinang heman melobos se pegsalig tadon diyà te Timanem pineokit te tabang i Jesus. Timayod sikandin te kelimahan te peglansang kandin doton te kros. Wedà sikandin keyàyà te neinang diyà kandin, meneng timayod sikandin te peg-imatay kandin, so netegahan din te meluba sikandin aw mepenga se kedita niyan. Egpenenoo den sikandin kidoen te tangkil te Timanem Amay din aw eglowan doma din.

Menge Hebreo 8:1

Nayan, tiboken ko den se kedita te intoladà ko kenyo. Doen den Telekagon tadon ontò neketepad kenitadon iling kenyan. Sikandin se impeonsad te Timanem Melangkaw kidoen te tangkil din doton te langit, aw impelowan din heman sikandin doma din.

Kolasas 3:1

Neantay den si Cristo lekat te nematay, aw iling te neantay kaw heman sipat kandin. Yan se doun te keilangan gayed kaw meg-aneng-aneng tepad te impetagad kenyo doton te langit, so egpenenoo si Cristo kidoen te tangkil te Timanem Amay din aw eglowan doma din.

Roma 8:34

Wedad palos heman mekeikagi te keilangan ipelumun kidon. Nematay si Jesu Cristo simelilin kenitadon. Meneng neantay heman sikandin lekat te nematay, aw eglowan den sikandin doma te Timanem Amay din doton te langit, aw egpemoyò den sikandin diyà te Timanem Amay din te itabang din kenitadon.

Luc. 22:68

Pengkey doen peden insà ko kenyo, meneng eked kaw heman taba kenyan.