Luc. 22:57 - Manobo Sarangani

⁵⁷ Meneng migbolon si Pedro, aw minikagi sikandin, “Tay law, atà. Wedà ko sikandin kilelai.”

Luc. 22:57 ပူးပေါင်းရင်းမြစ်များ

1 Juan 1:9

Meneng aw mikagi kidon te benal doen salà tadon, yan pegwedaden te Timanem se salà tadon, aw onawan kidon din lekat te medaet ininang tadon, so egkeseligan sikandin aw metòlid heman se eg-inangen din.

Ininang 3:19

Yan pegselsel kaw aw taking kaw te Timanem amon pegwedaden din se salà niyo,

Juan 18:27

Todà heman migbolon si Pedro, aw penga niyan migkolaak se manok.

Juan 18:25

Dalem niyan, mig-ingadang pa si Pedro. Mig-insà se doma otaw, “Indà? Sikona besi heman se sebad diyà te menge tinoledaan din.” Meneng migbolon si Pedro aw minikagi, “Kenà ko.”

Luc. 12:9

Meneng aw mikagi se otaw te kenà sikandin sakop ko, eked a heman ikagi diyà te menge anghil te Timanem te sakop ko sikandin.

Mat. 26:70

Meneng migbolon si Pedro, aw dinineg te kedita dan se kagi din, “Wedà ko ketegahi aw eden se eg-ikegiyen nikaw.”

Mat. 10:33

Meneng aw mikagi se otaw te kenà sikandin sakop ko, eked a heman ikagi diyà te Amay ko te sakop ko sikandin.”

Luc. 22:56

Peg-anyag te apoy diyà te bawa din, doen bayi kimità kandin aw minikagi, “Egdoma se otaw seini te otaw sida dinakep.”

Luc. 22:58

Penga niyan te wedà kenamay, doen heman doma otaw kimità kandin, aw minikagi, “Sikona heman se tinoledaan din.” Meneng minikagi si Pedro, “Kenà ko, elew.”