Luc. 22:51 - Manobo Sarangani

⁵¹ Meneng minikagi si Jesus, “Ikà niyo.” Penga niyan, nemaed sikandin te telinga te sineligan, aw negolì iyan.

Luc. 22:51 ပူးပေါင်းရင်းမြစ်များ

2 Korinto 10:1

Na, siak si Pablo doen ipunù ko kenyo lekat te pegketinuud aw keido i Cristo. Siak ekon se telawun aw kidoen a doma niyo, meneng mebolot a ekon aw somolat a kenyo lekat te mediyò.

Roma 12:21

Aw meg-inang kaw te medaet diyà te menge otaw eg-inang te medaet diyà kenyo, dàgen kaw dan pineokit te pegtaking niyo te medaet. Meneng aw mèpiya se inangen niyo diyà te otaw eg-inang te medaet diyà kenyo, mekedaeg kaw kandan pineokit te pegtaking niyo te mèpiya.

Juan 17:12

Dalem te pegdoma ko kandan, mig-ipat a kandan amon eked dan soway lekat te kebenalan tepad te kamno pegkeotawun insalig no diyà kanak. Migtonggò a kandan, aw yan se doun te wedad palos nebàtan kandan. Meneng sebad se kebàtan, sìyan sakop te medaet, amon metoman se kagi tapay no impesolat tepad kandin.

Luc. 22:50

Pegketà nenigbas se sebad tinoledaan diyà te sineligan te ontò pengolo te simbahan, aw nepalot se telinga din lenged te kowanan.

Luc. 22:52

Se menge otaw dimoton amon megdakep dan ki Jesus, yan se menge pengolo te simbahan, aw menge kapitan te otaw egtonggò te dakel simbahan, aw menge obanen te Judiyo. Minikagi si Jesus diyà kandan, “Kolang se pegkekamang niyo te podok aw batota amon megdakep kaw kanak, so eden niyo aw megdedempasay a.

Ininang 16:28

Meneng timawal si Pablo te dakel se kagi din, “Ikà egpeumul-umul, so seini pa se kedita day.”