Luc. 22:43 - Manobo Sarangani

⁴³ Penga niyan, doen anghil insogò lekat te langit amon megpekagsen te pedowan din.

Luc. 22:43 ပူးပေါင်းရင်းမြစ်များ

Mat. 4:11

Penga niyan, nesayo si Satanas, aw doen menge anghil insogò te Timanem amon meg-ipat dan ki Jesus.

Menge Hebreo 1:14

Nayan, netegahan tadon den ini. Se menge anghil, yan olò se egsogò-sogoen te Timanem. Pengkey eked dan kitai te otaw, meneng ipegsogò dan te Timanem amon megtabang dan te kedita tadon ipelowà din.

Mat. 26:53

Wedà no besi ketegahi ini. Aw mengenganay a diyà te Amay ko, isogò din se minelalan anghil din amon megtabang dan kanak.

Menge Hebreo 1:6

Te agpet isogò te Timanem se ontò melangkaw Batà din dini te keneyonan, minikagi heman se Timanem, “Simbahen sikandin te kedita te anghil te Timanem.”

1 Timoteo 3:16

Netegahan te kedita tadon te ontò mèpiya se kebenalan impetaga-taga te Timanem aw pinemenalan tadon. Migpekeotaw si Jesu Cristo aw dimini te tanà. Impetaga-taga te Espiritu Santo te metòlid sikandin. Kinità sikandin te menge anghil. Inindanan se menge otaw kenà Judiyo tepad kandin. Doen otaw nemenal kandin doton te kebelad te tanà. Inengat sikandin doton te langit.

Luc. 22:32

Meneng migtawal-tawal a diyà te Amay ko tepad kamno amon gayed ka somalig diyà kanak. Pengkey tominàyog ka kanak te eked kenamay, meneng aw todà ka tomaking kanak, meketabang ka te menge doma no tinoledaan ko.”

Mat. 4:6

Minikagi si Satanas, “Nayan, aw ontò ka Batà te Timanem, kahang ka. Eked ka elegi, so doen kagi te Timanem insolat, ‘Isogò te Timanem se menge anghil amon meg-ipat dan kamno.’ Doen heman kagi te Timanem insolat, ‘Ewidan ka te menge anghil, aw engaten ka dan amon eked ka kesongkol te bato.’”

Menge Hebreo 2:17

Meneng eked sikandin peketabang kenitadon singed aw meinang sikandin iling kenitadon menge kedowa din. Yan se doun te migpekeotaw sikandin aw timayod te kelimahan amon meinang sikandin telekagon tadon doton te Timanem, aw amon pegwedaden din se menge salà tadon. So dinetengan sikandin te kelimahan, yan doen den keido din kenitadon egdetengan te kelimahan. So neketayod sikandin te pegboyo i Satanas, yan meketabang den sikandin te kedita te otaw boyowen i Satanas.

Ininang 18:23

Pegkenamay-namay din kidoen, nesayo todà. Timeped sikandin te menge ogpeanan doton te kebelad te Galasya aw Frigya amon entagen din se pedowan te menge otaw egpemenal.

Ininang 14:22

Migtoladà dan te menge otaw egpemenal, aw mig-antag dan te pedowan te menge otaw kidoen amon melobos se pegsalig dan te Timanem. Minikagi dan, “Onà kidon tomayod te kelimahan, aw penga niyan lomowan se Timanem diyà kenitadon.”