Luc. 22:42 - Manobo Sarangani

⁴² “Amà, aw mepakay diyà kamno, eked a no peokiti te kelimahan seini. Meneng ibeg ko, kamno ibeg se metoman, kenà kanak.” [

Luc. 22:42 ပူးပေါင်းရင်းမြစ်များ

Mat. 26:39

Penga niyan, dimeleg si Jesus te kenà mediyò, aw limemlem sikandin aw migtawal-tawal, kagi din, “Amà, aw mepakay diyà kamno, eked a no peden peokiti diyà te kelimahan seini. Meneng ibeg ko, kamno ibeg se metoman, kenà kanak.”

Mat. 26:42

Migpekediyò-diyò si Jesus te ikedowa, aw migtawal-tawal, kagi din, “Amà, aw eked kepakay aw eked a okit diyà te kelimahan seini, ibeg ko metoman se kamno ibeg.”

Mar. 14:36

Migtawal-tawal sikandin, kagi din, “Amà, wedad palos eked no kebatog. Yan eked a no peden peokiti diyà te kelimahan seini. Meneng ibeg ko, kamno ibeg se metoman, kenà kanak.”

Juan 18:11

Minikagi si Jesus diyà ki Pedro, “Olii se podok diyà te lomà, so keilangan detengan a te kelimahan imbegay te Amay ko diyà kanak.”

Mat. 20:22

Minikagi si Jesus, “Wedà niyo ketegahi aw eden se kebegat te pinemoyò niyo. Meketayod kaw lay heman te kelimahan agpet den domateng kanak?” Timaba dan, “Ee, meketayod kay heman kenyan.”

Juan 5:30

“Wedà ko teboki se inang ko. Iling te intoladà din kanak se peg-okom ko, aw metòlid se peg-okom ko, so kenà kenaken ibeg se egtekingan ko, meneng egtekingan ko se ibeg te Amay ko migsogò kanak.

Juan 6:38

Insogò a dini lekat te langit kenà amon inangen ko se kanak ibeg, meneng dimini a amon toloen ko se ibeg te Amay ko simogò kanak.

Juan 4:34

Minikagi si Jesus, “Iling te kànen ko se pegtoman ko te ibeg te simogò kanak aw peg-epos ko te sogò din kanak.

Mat. 26:44

Todà sikandin nesayo aw migtawal-tawal te iketelo. Onawa heman se intawal-tawal din.

Mat. 6:10

Ibeg day lomowan ka diyà te kedita te otaw. Ibeg day metoman se ibeg no dini te keneyonan iling te pegketoman te ibeg no doton te langit.

Mat. 11:25

Penga niyan, migtawal-tawal si Jesus, kagi din, “Amà, Pengolo te kedita doton te langit aw dini heman te lanto te tanà, egpesiontong a diyà kamno, so wedà no petega-tegahi se kebenalan diyà te otaw biyasa aw dakel ontò netegahan, meneng impetaga-taga no den iyan diyà te otaw medanà.

Mat. 11:26

Iduyun ta Amà, so lekat iyan te ibeg nikaw ontò mèpiya.”

Luc. 23:34

Migtawal-tawal si Jesus tepad te menge otaw miglansang kandin diyà te kros, kagi din, “Amà, pegwedadi se salà dan, so wedà dan ketegahi aw eden se ininang dan seini.” Penga te peglansang dan ki Jesus diyà te kros, pigtalad-talad dan se penenaktun linowas din, aw migbonot dan aw eden se penenaktun meabat te teg sebad-sebad kandan.

Ininang 21:14

Wedà day kebatog se migtameng kandin. Penga niyan, minikagi kay, “Meinang se ibeg te Pengolo tadon.” Penga niyan, nepenek kay.