Luc. 22:37 - Manobo Sarangani

³⁷ Metoman den se kagi te Timanem insolat tepad kanak, ‘Ipelumun sikandin iling te otaw dakel se salà.’ Agpet a den imetayan, so yan se insolat tepad kanak.”

Luc. 22:37 ပူးပေါင်းရင်းမြစ်များ

2 Korinto 5:21

Pengkey wedad salà i Cristo, meneng impelumun sikandin te Timanem tandà te salà tadon, amon eneng-enengen te Timanem te metòlid kidon pineokit te pegpesakop tadon diyà ki Cristo.

Luc. 23:32

Dowa heman se doma otaw inibing dan amon imetayan doma din, so ontò medaet se ininang dan.

Galasya 3:13

Meneng wedad otaw meketolò te kedita te punù sìyan. Se otaw egsalig diyà te punù ingkeliwat i Moises, yan se otaw ipelumun te Timanem pineokit te menge punù sìyan. Meneng si Cristo se migpelowà kenitadon lekat te pelumun, so sikandin se impelumun inselilin kenitadon. Se pegpelumun kandin, yan se pegkematay din doton te kros. So doen kagi te Timanem insolat, “Pengkey sinu otawi se imetayan aw bitinen doton te kayo intollok, yan se pengilala te ontò dakel se pelumun kandin.”

Juan 17:4

Impekità ko den dini te keneyonan te melangkaw ka, so tinoman ko den se kedita te impunù no kanak.

Juan 10:35

Nayan, eked kepakay aw todaen se kagi te Timanem. Yan so tinawal din menge timanem se otaw insogò din gebii,

Luc. 18:31

Nayan, migtipon si Jesus te sìyan sempolò teg dowa tinoledaan din, aw minikagi sikandin, “Na, domoton kidon den te Jerusalem amon metoman se kedita te pakang insolat te menge telekeliwat te kagi te Timanem tepad kanak Timanem Migpekeotaw.

Luc. 22:22

Imetayan a Timanem Migpekeotaw, so yan se ibeg te Amay ko. Meneng mekelelayò se otaw megtolok kanak.”

Mar. 15:27

Doen heman dowa megdedempasay inlansang diyà te kros kidoen te tangkil din, aw si Jesus diyà te tengà-tengà. [

Luc. 22:36

Minikagi si Jesus, “Meneng lekat seini, aw doen kwarta niyo aw kelepì, ibingi niyo. Aw wedad ibayad niyo te podok, keilangan ibeligyà niyo se saol amon mekebayad kaw.

Luc. 22:52

Se menge otaw dimoton amon megdakep dan ki Jesus, yan se menge pengolo te simbahan, aw menge kapitan te otaw egtonggò te dakel simbahan, aw menge obanen te Judiyo. Minikagi si Jesus diyà kandan, “Kolang se pegkekamang niyo te podok aw batota amon megdakep kaw kanak, so eden niyo aw megdedempasay a.

Luc. 24:27

Penga niyan, miglebad-lebad si Jesus diyà kandan te kedita te insolat kidoen te kagi te Timanem tepad te pegkeotawun din, lekat te insolat i Moises aw kidoen te insolat te kedita te telekeliwat te kagi te Timanem gebii.

Mar. 15:28

Yan netoman se kagi te Timanem insolat gebii, “Ipelumun sikandin iling te otaw dakel se salà.”]