Luc. 22:34 - Manobo Sarangani

³⁴ Minikagi si Jesus, “Pedro, penenalan ka kanak. Te eked pegkolaak se manok kealdaw iselem, ibolon no se pegtaking no kanak te meketelo.”

Luc. 22:34 ပူးပေါင်းရင်းမြစ်များ

Juan 13:38

Timaba si Jesus, “Eden no aw neketagad ka den imetayan tandà te pegtaking no kanak. Eneng-enengi se kagi ko kamno. Te eked pa pegkolaak se manok te iselem, ibolon a nikaw te meketelo.”

Mar. 14:30

Minikagi si Jesus, “Eneng-enengi se kagi ko kamno seini. Kwani te eked pegkolaak se manok te mekedowa te delem seini, ibolon a nikaw te meketelo.”

Mat. 26:34

Minikagi si Jesus, “Eneng-enengi se kagi ko kamno seini. Kwani te delem te eked pegkolaak se manok, ibolon a nikaw te meketelo.”

Mat. 26:74

Penga niyan, ontò migsapà si Pedro aw minikagi, “Wedà a palos kilala te otaw sida.” Pegketà, migkolaak se manok.

Juan 18:27

Todà heman migbolon si Pedro, aw penga niyan migkolaak se manok.

Luc. 22:33

Minikagi si Pedro, “Pengolo, neketagad a den tomaking kamno pengkey kelebosowen a aw imetayan a.”

Luc. 22:35

Nayan, minikagi si Jesus diyà te menge tinoledaan din, kagi din, “Kedengan, insogò ko sikiyo megtoladà, meneng doen impunù ko te wedad kedònan ibingen niyo, pengkey kwarta aw kelepì, aw sepatos ekasan niyo. Indani a niyo. Nelimahan kaw lay so wedad kedònan niyo?” Timaba dan, “Wedà kay palos kelimahi.”

Luc. 22:61

Miniling si Jesus aw timengteng diyà ki Pedro. Yan neeneng-enengan din se tapay inikagi te Pengolo te ibolon din sikandin te meketelo te eked pa pegkolaak se manok te iselem.