Luc. 22:32 - Manobo Sarangani

³² Meneng migtawal-tawal a diyà te Amay ko tepad kamno amon gayed ka somalig diyà kanak. Pengkey tominàyog ka kanak te eked kenamay, meneng aw todà ka tomaking kanak, meketabang ka te menge doma no tinoledaan ko.”

Luc. 22:32 ပူးပေါင်းရင်းမြစ်များ

Roma 8:34

Wedad palos heman mekeikagi te keilangan ipelumun kidon. Nematay si Jesu Cristo simelilin kenitadon. Meneng neantay heman sikandin lekat te nematay, aw eglowan den sikandin doma te Timanem Amay din doton te langit, aw egpemoyò den sikandin diyà te Timanem Amay din te itabang din kenitadon.

Menge Hebreo 7:25

Yan se doun te gayed sikandin mekebatog megpelowà te kedita te otaw megpedapag diyà te Timanem pineokit kandin. So wedad temanan din, gayed sikandin egpemoyò diyà te Amay din te itabang din kandan.

2 Pedro 3:14

Nayan, kedita niyo egkedekelan ko te pedowan, dalem te pegtagad niyo te aldaw sìyan, keilangan megpekeaseb kaw menimanem amon wedad salà niyo isila te Timanem, aw amon melinaw se pedowan niyo.

1 Pedro 1:5

Eg-ipaten te Timanem metolos se kedita niyo simalig diyà kandin lamig te aldaw sikopen din se pegpelowà din kenitadon. Tapay din iyan impetagad, aw ipekità din iyan te modi aldaw.

Luc. 8:13

Nayan, se benì nesabog diyà te tanà kebeto-betowan, yan se iling te otaw domineg te kagi te Timanem, aw meluba dan, aw tomolò dan kenyan te eked kenamay. Meneng aw meboyo dan, tenanan dan se pinemenalan dan, so iling dan te tinanem wedad nael dalid.

Ininang 3:19

Yan pegselsel kaw aw taking kaw te Timanem amon pegwedaden din se salà niyo,

1 Pedro 1:13

So netegahan niyo den iyan, yan keilangan megpeketagad kaw meg-aneng-aneng te metòlid. Keilangan megpekebatol kaw. Keilangan megpeliman kaw te mèpiya ibegay te Timanem diyà kenyo te aldaw te peglikò i Jesu Cristo.

Menge Hebreo 12:15

Peg-ahà kaw amon wedad otaw doton kenyo komulu te tabang te Timanem. Aw komulu se otaw te tabang te Timanem, iling sikandin te sagbet mekeilo, so mekesamok sikandin te doma otaw egpemenal, aw meboyo dan meg-inang heman te salà.

Mat. 18:3

Penga niyan, minikagi si Jesus, “Eneng-enengi niyo se kagi ko seini. Eked kaw palos sekopi te Timanem diyà te peglowan din singed todaen niyo se aneng-aneng niyo, aw megpedanà kaw iling te kedanà te mengisù.

1 Juan 2:19

Se menge eg-ato sìyan, kenà dan benal kedowa tadon te pegpemenal, aw yan nesayo den dan lekat kenitadon. Simpana benal dan kedowa tadon te pegpemenal, eked dan peden kesayo lekat kenitadon. Meneng nesayo den dan lekat kenitadon aw yan se pengilala te kenà dan benal kedowa tadon te pegpemenal.

Juan 14:19

Te eked kenamay, eked a den todà kitai te menge doma otaw. Meneng sikiyo, todà kaw komità kanak. So doen pedowan ko wedad temanan, begayan kaw heman te pedowan wedad temanan.

Mar. 14:72

Pegketà, migkolaak se manok te ikedowa. Yan neeneng-enengan i Pedro se tapay inikagi i Jesus te ibolon din sikandin te meketelo te eked pa pegkolaak se manok te mekedowa. Penga niyan, ontò sikandin migkelag.

Mar. 16:7

Na, doton kaw den ki Pedro aw menge doma tinoledaan i Jesus, aw indani niyo dan te nekeonà den si Jesus diyà kenyo pesalo doton te probinsya te Galiliya. Kitaen niyo sikandin doton, so yan se inikagi din kenyo.”

Mat. 26:75

Yan neeneng-enengan i Pedro se tapay inikagi i Jesus te ibolon din sikandin te meketelo te eked pa pegkolaak se manok. Penga niyan, nesayo si Pedro aw ontò migkelag.

1 Pedro 1:1

Se solat seini lekat kanak si Pedro. Siak se sebad sogounun i Jesu Cristo. Seini se solat ko te kedita niyo menge sakop te Timanem impekadas lekat te kenyo ogpeanan, aw eg-ogpà den doton te menge probinsya te Ponto, Galasya, Kapadosya, Asya, aw Bitinya.

Roma 8:32

Wedà din temengi se Batà din si Jesus, meneng insogò din sikandin simelilin kenitadon aw nematay amon megtabang kenitadon. Aw iling kenyan se keido din kenitadon, ibegay din heman se kedita te kelidoan tadon.

Tito 1:1

Siak si Pablo se simolat kani. Sineligan a te Timanem aw sogounun a i Jesu Cristo. Insogò a din megtabang te menge otaw pinemallì te Timanem amon metibok se pegsalig dan kandin aw pegketaga-taga dan te kebenalan pinemenalan tadon.

2 Timoteo 2:18

Simoway dan lekat te kebenalan, so egtoladà dan te nepenga den se aldaw te peg-antay te Timanem te otaw lekat te nematay. Pineokit kenyan, doen menge otaw nebàtan den se pegsalig dan diyà te Timanem.