Luc. 22:29 - Manobo Sarangani

²⁹ Migpunù se Amay ko te siak se lomowan, aw megpunù a den heman te sikiyo

Luc. 22:29 ပူးပေါင်းရင်းမြစ်များ

2 Timoteo 2:12

Aw meketayod kidon te pegpemilang kenitadon, lomowan kidon heman doma din. Meneng aw mikagi kidon te kenà kidon sakop din, mikagi heman sikandin te kenà kidon sakop din.

Mat. 25:34

so mikagi a diyà te menge otaw lenged te kowanan ko, ‘Taking kaw den kanak, so pinemallì kaw te Amay ko Timanem amon meluba kaw. Metoman den iyan so megtebò a den lomowan diyà kenyo iling te peglalang te Amay ko te wedà pa inangi se keneyonan.

Santiago 2:5

Menge kedowa egkedekelan ko te pedowan, penenalan kaw te kagi ko seini. Pengkey deitek se kedònan te otaw sagkep dini te keneyonan, yan se otaw pinemallì te Timanem amon dakel se pegsalig dan kandin, aw mekeakop dan heman diyà te peglowan din, so yan se impakang din diyà te kedita te otaw doen dakel pedowan kandin.

Mat. 28:18

Migpedapag si Jesus diyà kandan aw minikagi, “Impelowan a den diyà te kedita doton te langit aw dini heman te lanto te tanà.

Mat. 24:47

Eneng-enengi niyo se kagi ko kenyo seini. Aw yan se inangen din, meinang sikandin egpengibing te kedita doton te balay te amo din.

Luc. 12:32

“Ikà niyo egkelemitan. Pengkey pilabok kaw, meneng pinemallì kaw te Timanem amon megpesakop kaw diyà te peglowan din.

Luc. 19:17

Minikagi se selotan, ‘Mèpiya se ininang nikaw. Pengkey deitek se imbegay ko diyà kamno, meneng keseligan ka, aw yan se doun te inangen ta den gobirnador lomowan diyà te sempolò lonsod.’

1 Pedro 5:4

Aw lomikò si Cristo Pengolo te kedita niyo egpengibing te simbahan, doen mèpiya ontong ibegay din diyà kenyo eked palos pegkedaet te wedad temanan.

1 Korinto 9:25

Se kedita te otaw komagnan, doen eked dan kepakay inangen amon eked ketostos se kagsen dan. Aw tomayod dan kenyan, doen mekeabat te ontong, pengkey ininang iyan te dawen melanes te eked kenamay. Meneng sikitadon egpemenal ki Cristo, ibeg tadon kinewaen se ontong wedad palos temanan.

2 Korinto 1:7

Metoman se egpelimanan ko tepad kenyo, so netegahan ko ini, aw pemilangen kaw, tebangan kaw heman te Timanem.

Impekità 21:14

Doen sempolò teg dowa dakel bato pinetindegan te alad, aw sinolatan se bato te menge ngadan te sempolò teg dowa sogounun te Karniro.

Mat. 5:3

“Doen keluba te kedita te otaw netaga-taga te eked dan pekeinang te mèpiya singed aw tebangan dan te Timanem, so sekopen din dan diyà te peglowan din.

Mat. 5:10

“Doen keluba te kedita te otaw egpemilangen tandà te pegtolò dan te Timanem, so sekopen din dan diyà te peglowan din.

Mat. 25:21

Minikagi se amo din, ‘Mèpiya se ininang nikaw. So keseligan ka, labi pa dakel se ibegay ko diyà kamno. Ibeg ko meluba ka heman onawa te kanak pegkeluba.’