Luc. 22:26 - Manobo Sarangani

²⁶ Meneng eked kepakay aw meg-iling kaw kandan, so se melangkaw otaw diyà kenyo, yan se keilangan meinang iling te adi niyo. Se pengolo niyo, yan se keilangan meinang iling te sogounun niyo.

Luc. 22:26 ပူးပေါင်းရင်းမြစ်များ

1 Pedro 5:5

Sikiyo heman menge kaling otaw, keilangan toloen niyo se menge egpengibing te simbahan. Ikà niyo egpelangkaw-langkaw, meneng keilangan megpedanà se kedita niyo diyà te menge doma niyo, so doen kagi te Timanem insolat te meinang poon te Timanem se otaw egpelangkaw-langkaw, meneng egtebangan din se otaw egpedanà.

1 Pedro 5:3

Ikà niyo egleges te menge otaw egtoledaan niyo, so insalig dan te Timanem diyà kenyo. Keilangan metòlid se eg-inangen niyo, so sikiyo se peg-ilingan dan.

Luc. 9:48

Penga niyan, minikagi si Jesus, “Aw megsagman se otaw te batà seini tandà te pegpesakop din kanak, pineokit kenyan segmanen a din heman. Aw megsagman se otaw kanak, segmanen din heman se Amay ko simogò kanak. Se otaw ontò megpedanà kidoen kenyo, yan se ontò melangkaw.”

Mar. 9:35

Penga niyan, nenenoo si Jesus aw tinawal din se kedita te sempolò teg dowa dan, aw minikagi sikandin, “Aw meibeg se otaw megkelangkaw, keilangan megpedanà sikandin te pegkeotawun din iling te kedanà te allang.”

Roma 12:2

Ikà niyo egtaking te ketanem te otaw kenà egpenimanem. Meneng pemoyoi niyo te inangen te Timanem kaling se aneng-aneng niyo amon metòlid se eg-inangen niyo. Yan ketegahan niyo aw eden se ibeg te Timanem inangen niyo, so mèpiya iyan, aw kelubahan din, aw wedad kolang niyan.

Mat. 20:26

Meneng eked kepakay aw meg-iling kaw kandan. Aw doen otaw diyà kenyo meibeg megkelangkaw, keilangan gayed menabang kenyo.

Mar. 10:43

Meneng eked kepakay aw meg-iling kaw kandan. Aw doen otaw diyà kenyo meibeg megkelangkaw, keilangan gayed sikandin menabang kenyo.