Luc. 22:19 - Manobo Sarangani

¹⁹ Nengabat heman sikandin te pan. Penga te pegpesiontong din, binelà-belà din iyan, aw inteped din diyà kandan, aw minikagi, “Se pan seini, yan se lawa ko [imetayan amon mekelowà kaw. Inangi niyo iling kani amon gayed a niyo keeneng-enengan.”

Luc. 22:19 ပူးပေါင်းရင်းမြစ်များ

1 Korinto 10:16

Seini se mèpiya inangen tadon aw metipon kidon, amon eneng-enengen tadon se pegkematay i Cristo kenitadon. Aw minem kidon te tabò, onà kidon megtawal-tawal diyà te Timanem aw megpesiontong kidon diyà kandin kenyan. Aw minem kidon diyà te tabò sìyan, yan ipetaga-taga tadon te migsebad kidon den ki Cristo pineokit te dipanog din te pegkematay din doton te kros. Aw komaen kidon te pan binelà-belà, yan ipetaga-taga tadon heman te migsebad kidon den ki Cristo pineokit te lawa din nematay doton te kros.

Luc. 22:20

Penga te pegkaen dan, inabat din heman se tabò aw minikagi sikandin, “Se meinem seini, yan se pengilala te doen kaling peokit ininang te Timanem pineokit te dipanog ko amon tebangan kaw.]

1 Korinto 10:4

Mininem se kedita dan te wayeg imbegay te Timanem kandan, so impetebol iyan i Cristo lekat te bato, aw sikandin se nenabang kandan pengkey kenan dan pesalo.

Tito 2:14

Sikandin se simelilin kenitadon te pegkematay din amon megpelowà kenitadon lekat te pegkeallang tadon te salà, aw amon sekopen kidon din. Yan se doun te lininisan kidon din lekat te salà, aw ininang kidon din otaw meibeg meg-inang te mèpiya.

1 Pedro 2:24

Pegkematay din doton te kros, inibing din se kedita te salà tadon amon mekelowà kidon lekat te salà aw amon mekeinang kidon te metòlid. Pineokit te pegpelumun kandin, migkèpiya kidon den.

Efeso 5:2

Keilangan gayed kaw megpedekelay te pedowan iling te kedakel te pedowan i Cristo kenitadon. Pegkematay i Cristo doton te kros, simelilin sikandin kenitadon, aw yan neinang sikandin iling te ayam-ayam inimetayan amon mesinalay se Timanem.

Galasya 1:4

Lekat te kandin ibeg, nematay si Cristo amon meabat se kedita te salà tadon, amon eked kidon taking te menge otaw eg-inang te medaet dini te keneyonan. Timolò si Cristo mig-inang kenyan, so yan se ibeg te Timanem Amay tadon.

Juan 6:51

Siaken se kànen insogò dini lekat te langit mekebegay te kaling pedowan. Aw komaen se otaw te kànen seini, wedad temanan te pedowan din. Se kànen seini ibegay ko, yan se onod ko, amon mekekinawà se kedita te otaw te kaling pedowan.”

Luc. 24:30

Peg-iyambong dan, inabat din se pan, aw migpesiontong sikandin diyà te Timanem, aw binelà-belà din, aw imbegay din diyà kandan.

Mat. 14:19

Penga niyan, impeonsad din se kedita te otaw kidoen te sagbet. Inabat din se lima pan aw didowa ikan. Limengag sikandin doton te langit aw migpesiontong diyà te Timanem kenyan. Penga niyan, binelà-belà din se pan aw imbegay din diyà te menge tinoledaan din, aw imbegay dan iyan diyà te menge otaw netipon.

Juan 6:23

Wedà dan pegkità ki Jesus, meneng doen menge belangay lekat te Tibiryas migdong dapag te tanà kinànan dan te pan impesiontong i Jesus.

Luc. 22:17

Penga niyan, inabat din heman se tabò, aw migpesiontong sikandin diyà te Timanem, aw minikagi, “Tepedi niyo ini amon mekeinem se kedita niyo.

1 Tesalonika 5:18

Keilangan gayed kaw megpesiontong diyà kandin pengkey eden se domateng kenyo. Yan se ibeg te Timanem inangen niyo pineokit ki Jesu Cristo.

Galasya 4:25

Se bontod te Sinay doton te Arabya, yan se iningedanan Agar te menge otaw kidoen. Se pigpolingunan dan te allang seini, yan se menge Judiyo, so allang si Agar sipat menge batà din, aw neallang heman se kedita te Judiyo egtaking te punù ingkeliwat i Moises.

Mat. 15:36

Inabat din se pito pan aw ikan, aw migpesiontong diyà te Timanem kenyan. Binelà-belà din iyan, aw imbegay din diyà te menge tinoledaan din, aw inteped dan diyà te menge otaw netipon.