Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Luc. 21:8 - Manobo Sarangani

8 Minikagi si Jesus, “Peg-ahà kaw amon eked kaw keekali, so doen kwani medita otaw megpelingo-lingo te insogò ko dan. Mikagi dan te sikandan se Misiyas. Mikagi heman se doma te agpet den domateng se aldaw pinelimanan niyo. Meneng ikà niyo egtaking kandan.

အခန်းကိုကြည့်ပါ။ ကော်ပီ




Luc. 21:8
26 ပူးပေါင်းရင်းမြစ်များ  

Menge kedowa egkedekelan ko te pedowan, ikà niyo egpemenal te kedita te otaw megtoladà kenyo singed aw onà kaw mengemahà aw lekat te Timanem se intoladà dan, so medita se otaw eglegeb-legeb dini te keneyonan aw egpelingo-lingo te telekeliwat dan te kagi te Timanem.


Pengkey eden se ikegiyen dan iling kenyan, peg-ahà kaw amon eked kaw keekali, so eked dateng se aldaw sìyan singed aw metoman se peg-eked te keditaan te otaw te Timanem, aw ipekità se Olo te Medaet, sìyan ipelumun doton te kilot te wedad temanan.


Ipelumun te Timanem se kedita te otaw eg-inang te medaet iling kenyan, so kenà dan egtolò kandin. Yan peg-ahà kaw amon eked kaw keekali te otaw egpelingo-lingo egtoladà te kebenalan.


Medita heman se otaw megpelingo-lingo telekeliwat te kagi te Timanem, aw medita se keekalan dan aw tomaking kandan.


Meneng se menge otaw eg-inang te medaet aw egpelingo-lingo te egpemenal dan, yan se otaw gayed meg-inang te labi pa medaet. Meg-akal dan te doma otaw, aw ekalan dan heman te doma otaw.


Medita se otaw eglegeb dini te keneyonan aw eg-akal dan te doma otaw, so kenà dan egtoladà te kebenalan tepad te pegpekeotaw i Jesu Cristo. Iling kenyan se eg-ikegiyen te otaw eg-akal aw eg-ato ki Cristo.


Doen kwani otaw mikagi, ‘Kidoen se Misiyas.’ Doen heman doma otaw mikagi, ‘Dini den sikandin.’ Meneng peg-ogpà kaw. Ikà niyo egtaking kandan,


Yan indagdag se dakel nagan lekat te langit. Sikandin se migpelingo-lingo memokan gebii, aw iningedanan ki Satanas, aw biyasa sikandin eg-akal te kedita te otaw te keneyonan. Indagdag sikandin lekat te langit kidoen te tanà sipat kedita te anghil din.


Lekat niyan, migtebò si Jesus migtoladà, aw minikagi sikandin, “Pegselsel kaw den te menge salà ininang niyo, so agpet den lomowan se Timanem diyà kenyo.”


Aw megbasa kaw kani, ontò kaw meluba. Aw menenalan kaw kani, aw tomolò kaw te kebenalan insolat dini, ontò kaw heman meluba, so metoman se kedita te pakang te Timanem te eked kenamay.


Yan se doun te minikagi a te matay kaw te eked pegwedadi se salà niyo, so aw eked kaw pemenal te benal se inikagi ko tepad te pegkeotawun ko, eked pegwedadi se salà niyo.”


Pengkey insogò a te Amay ko amon megtoladà a kenyo tepad kandin, meneng wedà a niyo pemenali. Meneng aw doen doma otaw megtoladà wedà sogoi te Timanem, yan se pemenalen niyo.


“Pegselsel kaw den te menge salà ininang niyo, so agpet den lomowan se Timanem diyà kenitadon.”


Doen otaw mig-insà, “Sir, kano lay ketoman se in-indan nikaw? Eden lay se pengilala kitaen day aw agpet iyan metoman?”


Aw domineg kaw te doen gira aw menge samok, ikà niyo egkelemitan. Keilangan onà iyan meinang, meneng kenà pa niyan se temanan te keneyonan.”


Minikagi si Jesus, “Penga te pegsawol niyo te Timanem Migpekeotaw kidoen te kayo intollok, yan ketegahan niyo te benal se inikagi ko tepad te pegkeotawun ko. Ketegahan niyo heman te wedà ko teboki se pegtoladà ko, meneng ipegtoladà ko se intoladà te Amay ko kanak.


Nelibelan niyo besi te eked pekeakop diyà te peglowan te Timanem se otaw gayed eg-inang te medaet. Ontò niyo eneng-enengi se kebenalan seini. Eked pekeakop diyà te peglowan te Timanem se kedita te otaw eglayok te kenà kandan esawa, aw egsimba te kenà benal timanem, aw eglakad, aw bayot, aw egpenolis, aw otaw egpengewarta, aw eglasing, aw egbaet-baet, aw egpenakaw.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ