Luc. 21:34 - Manobo Sarangani

³⁴ “Peg-ahà kaw amon meketagad kaw te aldaw sìyan. Eked kaw peketagad aw egpengemahà kaw te keluba, aw eg-inem kaw, aw gayed kaw eg-aneng-aneng tepad te peg-ogpà niyo, so metoman domateng se aldaw sìyan pengkey eked kaw peketagad.

Luc. 21:34 ပူးပေါင်းရင်းမြစ်များ

Mar. 4:19

Meneng penga niyan, wedad ontong dan so dàgen dan te ibeg dan tomaking te ketanem te keneyonan, aw ibeg dan megkeyaman amon meluba dan, aw menge doma ibeg dan. Yan se doun te wedad ontong dan diyà te kagi te Timanem dinineg dan.

Luc. 12:40

Yan se doun te keilangan gayed kaw megpeketagad, so domateng a Timanem Migpekeotaw te eked niyo ketegahi aw kano.”

Impekità 3:3

Ikà niyo den egkelibel te kebenalan intoladà kenyo kedengan, sìyan pinemenalan niyo. Tolò kaw kenyan, aw pegselsel kaw. Aw eked kaw, domateng a te eked kaw peketagad, iling te pegdateng te menenakaw te wedad meketagad, so eked niyo ketegahi aw eden orasi se pegdateng ko.

2 Pedro 3:14

Nayan, kedita niyo egkedekelan ko te pedowan, dalem te pegtagad niyo te aldaw sìyan, keilangan megpekeaseb kaw menimanem amon wedad salà niyo isila te Timanem, aw amon melinaw se pedowan niyo.

Galasya 5:20

egsimba te kenà benal timanem, egpengenito, egpeopalay, egdindil, eg-ingà, mesayo egkeopal, demeten, egpeitongay dan, egpekontrahay dan,

1 Korinto 5:11

Meneng se kedegdagan te punù insolat ko kenyo, eked kaw kepakay megdoma te otaw egpemenal aw eglayok te kenà kandin esawa, aw egkeibeg te kwarta, aw egsimba te kenà benal timanem, aw egbaet-baet, aw eglasing, aw egpenakaw. Eked heman kepakay pengkey komaen kaw doma te otaw egpemenal aw medaet se eg-inangen din iling kenyan.

Mat. 13:22

Nayan, se benì nesabog diyà te pinonoan te sagbet doen tigis, yan se iling te otaw ontò domineg te kagi te Timanem intoladà. Meneng penga niyan, wedad ontong din so dàgen sikandin te ibeg din tomaking te ketanem te keneyonan, aw ibeg din megkeyaman amon meluba sikandin. Yan se doun te wedad ontong din diyà te kagi te Timanem dinineg din.

Luc. 21:8

Minikagi si Jesus, “Peg-ahà kaw amon eked kaw keekali, so doen kwani medita otaw megpelingo-lingo te insogò ko dan. Mikagi dan te sikandan se Misiyas. Mikagi heman se doma te agpet den domateng se aldaw pinelimanan niyo. Meneng ikà niyo egtaking kandan.

Filipos 4:6

Pengkey eden se domateng kenyo, ikà niyo palos egketetana. Meneng pegtawal-tawal kaw tepad te kedita diyà te Timanem. Pemoyoi niyo diyà kandin se kedita te kelidoan niyo. Pegpesiontong kaw heman kenyan diyà kandin.

Luc. 17:3

Keilangan megpekeimanday kaw. “Na, aw doen otaw meg-inang te salà diyà kenyo, ikagi kaw diyà kandin tepad te salà ininang din. Aw megselsel sikandin, pegwedadi niyo se salà ininang din.

Luc. 10:41

Meneng timaba se Pengolo, “Tay law, Marta. Pelaban ka netetana tepad te medita eg-inangen nikaw.

Luc. 8:14

Nayan, se benì nesabog diyà te pinonoan te sagbet doen tigis, yan se iling te otaw ontò domineg te kagi te Timanem intoladà. Meneng penga niyan, wedad ontong dan, so dàgen dan te ibeg dan megkeyaman, aw ibeg dan te keluba te keneyonan, aw doma ibeg te pedowan dan.

Mar. 13:9

“Meneng peg-ahà kaw, so ibingen kaw te doma otaw doton te howis, aw bedasen kaw dan kidoen te menge simbahan te Judiyo. Ipeibing kaw doton te menge gobirnador aw selotan tandà te pegpesakop niyo diyà kanak, amon mekeindan kaw te kebenalan tepad kanak diyà kandan.

Menge Hebreo 12:15

Peg-ahà kaw amon wedad otaw doton kenyo komulu te tabang te Timanem. Aw komulu se otaw te tabang te Timanem, iling sikandin te sagbet mekeilo, so mekesamok sikandin te doma otaw egpemenal, aw meboyo dan meg-inang heman te salà.

2 Pedro 3:10

Tomanen te Pengolo tadon se pakang din. Iling te pegdateng te menenakaw se peglikò te Pengolo tadon, so wedad otaw metaga-taga aw kano likò. Aw domateng se aldaw sìyan, dinegen se logo-logo, so megkewedad se langit. Mesonog heman se aldaw, aw bolan, aw menge bitoen, aw megkewedad se kedita niyan. Tomalag mesonog se tanà aw kedita te ininang dini lanto te tanà.

Genesis 19:32

Na, mèpiya aw lesingen ta sikandin, aw yan lomayok ki diyà kandin amon megbatà ki pineokit kandin.”

Luc. 21:35

Metoman iyan domateng diyà te kedita te otaw dini lanto te tanà.

Genesis 19:35

Pegkedelem niyan, linasing dan heman se amay dan, aw limayok se adi diyà kandin. Wedà heman sikandin peg-aneng-aneng kenyan, so ontò sikandin nelasing.

Genesis 27:14

Yan inangay i Jacob se menge kambing aw in-ated din iyan doton te inay din. Mig-elomo sikandin te kànen mèpiya se nanam iling te egkeibegan i Isaac.