Luc. 21:24 - Manobo Sarangani

²⁴ Medita se otaw megelà tigbasen. Medita heman se doma dekepen aw ibingen doton te kedita te doma lonsod mediyò. Ontò pegbàtan te menge otaw kenà Judiyo se lonsod te Jerusalem lamig mepenga se peglowan dan.”

Luc. 21:24 ပူးပေါင်းရင်းမြစ်များ

Roma 11:25

Menge kedowa ko kenà Judiyo, doen kebenalan wedà pa petega-tegahi lamig songkani, meneng ipetaga-taga ko den iyan diyà kenyo amon eked kaw peg-aneng-aneng te sikiyo olò se otaw netaga-taga te kebenalan. Metugul se keditaan te Judiyo songkani. Eked dan taking te Timanem singed aw onà megpesakop se kedita te otaw kenà Judiyo pinemallì te Timanem.

Impekità 11:2

Meneng ikà egsokod te dowangen kidoen te lowà niyan. Pebeyai iyan, so metoman iyan ibegay diyà te menge otaw kenà Judiyo. Meglompak dan te lonsod te Jerusalem taman te kepatan teg dowa se bolan.

Genesis 34:26

Inimetayan dan heman si Hamor aw batà din si Sikem tinigbas dan te sondang, aw inabat dan si Dina lekat te balay i Sikem aw minolì dan.

Luc. 21:25

“Doen pengilala ipekità te Timanem kidoen te aldaw aw bolan aw menge bitoen. Dini heman te tanà, metetana aw melemitan se kedita te otaw, so ontò megbalud aw domaging se dagat.

Menge Hebreo 11:34

Doen heman menge doma otaw simalig diyà te Timanem aw yan nekelowà dan lekat te dakel apoy. Doen heman nekelowà lekat te belad te otaw mengimatay peden kandan. Doen heman otaw melomay neinang magsen pineokit te pegsalig dan diyà te Timanem. Doen heman wedà pegketalaw te peg-ato dan te menge poon dan, aw yan dinaeg dan se kedita te otaw limompak diyà kandan lekat te mediyò ogpeanan.