Luc. 21:16 - Manobo Sarangani

¹⁶ Pengkey amay niyo, aw inay niyo, aw kedowa niyo, pengkey doma gaked niyo aw sigalak niyo, doen heman diyà kandan megtolok kenyo. Doen heman kenyo ipeimatay dan.

Luc. 21:16 ပူးပေါင်းရင်းမြစ်များ

Luc. 12:53

Pengkey telebatà, eked dan pegsebad. Pengkey teleogangan, megpedàtay dan te pedowan tepad kanak.”

Impekità 6:9

Penga niyan, inabat te Karniro se ikelima pengilala diyà te solat, aw penga niyan doen kinità ko kidoen te kilid te sonoganan te ayam-ayam ibegay diyà te Timanem. Kinità ko se pedowan te kedita te otaw inimetayan tandà te pegtoladà dan te kagi te Timanem, aw tandà te peg-indan dan te kebenalan tepad ki Jesu Cristo.

Impekità 12:11

Meneng dinaeg dan sikandin pineokit te dipanog te Karniro inimetayan doton te kros, aw pineokit te peg-indan te kebenalan tepad ki Cristo, so wedà dan kelemitan pengkey imetayan dan tandà te pegsalig dan diyà ki Cristo.

Impekità 2:13

Netegahan ko te pengkey eg-ogpà kaw doton te lonsod eglowanan i Satanas, meneng ontò kaw simalig kanak. Wedà kaw lengà te pegpemenal niyo kanak pengkey kedengan te pegpengimatay ki Antipas. Egkeseligan sikandin migtoladà tepad kanak, aw yan se doun te inimetayan sikandin kidoen te lonsod niyo eglowanan i Satanas.

Ininang 12:2

Impesipal din se lieg i Santiago kakay i Juan.

Ininang 7:59

Pegbontog dan kandin, migtawal-tawal sikandin, kagi din, “E Jesus Pengolo ko, kinewai se pedowan ko, so matay a den.”

Mar. 13:12

Doen menge otaw megtolok te kandan menge kedowa amon imetayan dan. Doen heman amay megtolok te kandan menge batà amon imetayan dan. Doen heman menge otaw eked pegsagman te kandan amay aw inay, aw ipeimatay dan.

Mat. 10:21

“Doen otaw megtolok te kandan menge kedowa amon imetayan dan. Doen heman amay megtolok te kandan menge batà amon imetayan dan. Doen heman menge otaw eked pegsagman te kandan amay aw inay, aw ipeimatay dan.

Luc. 21:15

so dalem te aldaw sìyan, ibegay ko kenyo se kebiyasa amon meketaba kaw kandan. Yan se doun te wedad poon niyo mekedaeg te kenyo kagi.

Luc. 21:17

Kebensihan kaw te keditaan te otaw tandà te pegpesakop niyo diyà kanak.