Luc. 21:12 - Manobo Sarangani

¹² Meneng te eked pa iyan ketoman, dekepen kaw, aw pemilangen kaw. Okomen kaw doton te menge simbahan te Judiyo, aw kelebosowen kaw heman. Ipeibing kaw doton te menge selotan aw gobirnador tandà te pegpesakop niyo diyà kanak,

Luc. 21:12 ပူးပေါင်းရင်းမြစ်များ

Mat. 22:6

Doen heman menge doma otaw minawid te sineligan, aw pinemilang dan, aw inimetayan dan.

Mat. 24:8

Pengkey medaet iyan, meneng yan olò se keteboan te kelimahan domateng dini te keneyonan, iling te keteboan te mesakit domateng te bayi agpet tebawan.

Luc. 21:11

Doen heman linog ontò medaet, aw megelà se otaw te medita ogpeanan tandà te bayil aw mesakit domateng diyà kandan. Ipekità heman te Timanem se kepelahan mekelelamit kidoen te langit.

Juan 15:20

Eneng-enengi niyo se inikagi ko diyà kenyo kedengan. Wedad sineligan labi pa melangkaw diyà te amo din. Aw nemilang se menge doma otaw kanak, memilang dan heman kenyo. Aw timolò dan te kanak toladà, tomolò dan heman te kenyo toladà.

Juan 15:21

Meneng wedà dan ketaga-taga te simogò kanak, aw yan se doun te memilang dan heman kenyo, so migpesakop kaw diyà kanak.

Ininang 22:30

Ibeg te kapitan ontò metaga-taga aw eden se ingkeopal te menge Judiyo ki Pablo, so wedà pekelabet se kapitan te kagi te Hebreo. Keeldawan niyan, pigtipon din se menge obanen te simbahan aw kedita te kelengkawan te Judiyo. Inabat din si Pablo lekat te keleboso aw inibing din doton te otaw netipon. Impetindeg din doton te monà dan.

Ininang 5:40

Penga niyan, aneng-aneng dan, mèpiya se inikagi i Gamaliel. Peg-angay dan te menge sogounun i Cristo, impebadas dan pa. Migpunù dan kandan te eked dan palos peg-indan tepad ki Jesus. Penga niyan, impelowà dan.

Ininang 8:3

Nemilang si Saulo te menge otaw egpemenal, aw timeped te menge balay dan amon dekepen din dan aw kelebosowen, pengkey meama aw bayi.

Ininang 9:4

Nekelangkeb sikandin diyà te tanà aw doen dinineg din minikagi, “E Saulo, nengà lay egpemilang ka kanak?”

1 Pedro 2:13

Keilangan tomolò kaw te kedita te punù te gobirno, so yan se ibeg te Pengolo tadon. Keilangan tomolò kaw te selotan, so sikandin se eglowan diyà te kedita te doma opisyal.

Impekità 2:10

Ikà niyo egkelemitan te kelimahan agpet domateng kenyo. Doen menge otaw kidoen kenyo ipekeleboso i Satanas amon ketegahan aw ontò kaw egsalig kanak. Keilangan pemilangen kaw te eked kenamay, menge sempolò se aldaw. Pengkey imetayan kaw, salig kaw diyà kanak, so begayan ko sikiyo te ontong, sìyan korona te kaling pedowan wedad temanan.