Luc. 20:6 - Manobo Sarangani

⁶ Meneng simpana tomaba kidon te olò otaw se simogò ki Juan, bontogan kidon te kedita te otaw te bato lamig matay kidon, so nenamay dan mig-aneng-aneng te ontò telekeliwat te kagi te Timanem si Juan.”

Luc. 20:6 ပူးပေါင်းရင်းမြစ်များ

Mat. 21:26

Meneng simpana tomaba kidon te olò otaw se simogò ki Juan, keopalan kidon te kedita te otaw netipon, so eg-aneng-aneng dan te ontò telekeliwat te kagi te Timanem si Juan.”

Mat. 11:9

Meneng seini indà se tod niyo. Dimoton kaw te kebigtilan amon kitaen niyo se telekeliwat te kagi te Timanem. Pengkey melangkaw se kedita te telekeliwat te kagi te Timanem, meneng labi pa melangkaw si Juan.

Ininang 5:26

Penga niyan, dimoton se polis aw kapitan dan amon mangay dan te sogounun i Cristo. Wedà pegleges se polis kandan so nelemitan dan aw bontogan dan te menge otaw te bato.

Juan 10:41

Medita se otaw dimoton kandin, so minikagi dan, “Pengkey wedad kepelahan ininang i Juan Memonyagay, meneng benal se kedita te inikagi din tepad ki Jesus.”

Luc. 1:76

Nayan, sikona batà ko, meinang ka telekeliwat te kagi te Timanem melangkaw. Mekeonà ka doton te menge otaw amon meketagad dan te pegdateng te Pengolo,

Mar. 12:12

Pegdineg te menge obanen te Judiyo kenyan, netegahan dan te sikandan se nesogatan te tegdeyanan din sìyan, aw yan se doun te ibeg dan megdakep peden kandin. Meneng wedà dan peketoman, so nelemitan dan te menge otaw gayed egpenenalan kandin. Penga niyan, nesayo dan lekat kidoen.

Mat. 26:5

Minikagi dan, “Keilangan eked kidon pegdakep kandin dalem te pista, amon eked pegsamok se kedita te otaw.”

Mat. 21:46

aw yan se doun te ibeg dan megdakep peden kandin. Meneng wedà dan peketoman, so nelemitan dan te menge otaw gayed egpenenalan kandin, so mig-aneng-aneng se kedita te otaw te si Jesus se telekeliwat te kagi te Timanem.

Mat. 14:5

Ibeg i Herod ipeimatay din si Juan, meneng wedà deleg, so nelemitan sikandin te meopal se kedita te otaw kandin, so eg-aneng-aneng dan te si Juan se ontò telekeliwat te kagi te Timanem.

Luc. 7:30

Meneng se menge Parisiyo aw menenoladà te punù ingkeliwat i Moises, mig-eked dan te ibeg te Timanem kandan, so wedà dan pegpebonyag ki Juan.

Luc. 20:5

Penga niyan, migpebelaw-belaway dan aw eden se itaba dan kandin. Minikagi dan, “Simpana tomaba kidon te Timanem se simogò ki Juan, silahen kidon din, so wedà kidon pemenal ki Juan.

Luc. 20:7

Yan se doun te timaba dan ki Jesus te wedà dan ketegahi aw sinu se simogò ki Juan.