Luc. 20:5 - Manobo Sarangani

⁵ Penga niyan, migpebelaw-belaway dan aw eden se itaba dan kandin. Minikagi dan, “Simpana tomaba kidon te Timanem se simogò ki Juan, silahen kidon din, so wedà kidon pemenal ki Juan.

Luc. 20:5 ပူးပေါင်းရင်းမြစ်များ

Ininang 13:25

Te wedà pa kematay si Juan, minikagi sikandin, ‘Kenà ko se pinelimanan niyo, meneng doen pa domateng mekeselilin kanak. Kenà botong se kelangkaw ko amon megtelaban a kandin pengkey meglebad a te sepatos din, so ontò sikandin melangkaw diyà kanak.’

Juan 3:36

Se otaw memenal diyà te Batà te Timanem, yan se otaw doen kaling pedowan wedad temanan. Meneng se otaw eked tolò te kagi te Batà te Timanem, yan se otaw eked begayi te kaling pedowan, meneng detengan dan te pelumun te Timanem te wedad temanan.

Juan 3:26

Dimoton dan ki Juan aw minikagi, “Sir, se doma no kedengan doton dipag te Jordan, sìyan in-indan no, yan se egpemonyag den ekon heman, aw medita den se otaw limengà te pegtaking dan kamno aw timaking den dan diyà kandin.”

Juan 1:34

Yan se kinità ko den, aw iindan ko den kenyo te sikandin se Batà te Timanem.”

Juan 1:30

Seini se otaw tapay ko in-indan kenyo, so minikagi a te doen pa otaw meketetondog aw somelilin kanak. Labi pa sikandin melangkaw diyà kanak, so tapay den sikandin doen te wedà a pa tebaw.

Mat. 16:7

Migpebelaw-belaway se menge tinoledaan din, kagi dan, “Yan se inikagi din so wedad pan inibing tadon.”

Mat. 21:25

Sinu lay se simogò ki Juan amon memonyag? Timanem, aw otaw se simogò kandin?” Penga niyan, migpebelaw-belaway dan aw eden se itaba dan kandin. Minikagi dan, “Simpana tomaba kidon te Timanem se simogò ki Juan, silahen kidon din, so wedà kidon pemenal ki Juan.

Luc. 20:4

Sinu lay se simogò ki Juan amon memonyag? Timanem, aw otaw se simogò kandin?”

Luc. 20:6

Meneng simpana tomaba kidon te olò otaw se simogò ki Juan, bontogan kidon te kedita te otaw te bato lamig matay kidon, so nenamay dan mig-aneng-aneng te ontò telekeliwat te kagi te Timanem si Juan.”