Luc. 20:47 - Manobo Sarangani

⁴⁷ Meneng sikandan se eg-agaw te kedònan te bayi balo, aw penga niyan menamay se pegtawal-tawal dan amon megpelingo-lingo dan te melobos se pedowan dan diyà te Timanem. Meneng metoman dan ontò ipelumun labi pa diyà te doma otaw.”

Luc. 20:47 ပူးပေါင်းရင်းမြစ်များ

Mar. 12:40

Meneng sikandan se eg-agaw te kedònan te menge bayi balo, aw penga niyan menamay se pegtawal-tawal dan amon megpelingo-lingo dan te melobos se pedowan dan diyà te Timanem. Meneng metoman dan ontò ipelumun labi pa diyà te doma otaw.”

Santiago 3:1

Menge kedowa ko, mèpiya aw pilabok se otaw meibeg meinang menenoladà, so netegahan niyo te kenà meagka se pegtoladà te kagi te Timanem. Simpana medaet se eg-inangen day egtoladà, labi pa mebegat se pelumun te Timanem kenami.

Tito 1:16

Pengkey eg-ikagi dan te egtaking dan te Timanem, meneng pineokit te eg-inangen dan, ipegpetaga-taga dan te kenà benal se kagi dan. Eked keibeg se Timanem kandan. Kenà dan egtolò te ipegpunù kandan. Eked dan palos pekebatog se meg-inang te mèpiya.

Luc. 12:1

Nayan, dalem te pegtoladà i Jesus, minelalan se otaw netipon diyà kandin igsà migpegìtay dan te benis. Onà minikagi si Jesus diyà te menge tinoledaan din, “Peg-ahà kaw amon eked kaw ketini te salà te menge Parisiyo, so eden dan aw egpenimanem dan.

Mat. 23:13

“Mekelelayò kaw menge Parisiyo aw menenoladà te punù ingkeliwat i Moises. Eden niyo aw egpenimanem kaw, so egbelebagan niyo se menge otaw egkeibeg megpesakop diyà te peglowan te Timanem. Medaet so wedà kaw pegpesakop diyà kandin, meneng labi pa medaet so wedà niyo pesekopi se otaw egkeibeg megpesakop diyà kandin. [

1 Tesalonika 2:5

Ontò niyo netegahan te wedà kay peg-akal kenyo pineokit te pegluba day kenyo. Wedà kay heman pegpelingo-lingo amon meglegawa kay kenyo. Netaga-taga heman se Timanem kenyan.

Mat. 23:14

Mekelelayò kaw menge Parisiyo aw menenoladà te punù ingkeliwat i Moises. Eden niyo aw egpenimanem kaw, so eg-agaw kaw te kedònan te bayi balo, aw penga niyan menamay se pegtawal-tawal niyo amon megpelingo-lingo kaw te melobos se pedowan niyo diyà te Timanem. Yan se doun te metoman kaw ontò ipelumun labi pa diyà te doma otaw.]

Luc. 20:46

“Peg-ahà kaw te menge menenoladà te punù ingkeliwat i Moises. Gayed dan egpenaol te melayat, aw ibeg dan segmanen dan te doma otaw doton te pedyanan. Ibeg dan heman menenoo doton te mèpiya onsedanan kidoen te simbahan te Judiyo. Ibeg dan heman, aw doen dakel kànen, sikandan se monà ipekaen.

Luc. 21:1

Pegtoladà i Jesus kidoen te dakel simbahan te Jerusalem, kinità din se menge otaw meyaman egsawol te kwarta diyà te solanan te ibowang diyà te Timanem.