Luc. 20:38 - Manobo Sarangani

³⁸ Kenà otaw wedad pedowan se egsalig te Timanem, meneng otaw doen pedowan se egsalig kandin. Yan se doun te keilangan ketegahan tadon te doen keentayan te lawa te otaw nematay, so binegayan dan te Timanem te kaling pedowan wedad temanan.”

Luc. 20:38 ပူးပေါင်းရင်းမြစ်များ

Juan 14:19

Te eked kenamay, eked a den todà kitai te menge doma otaw. Meneng sikiyo, todà kaw komità kanak. So doen pedowan ko wedad temanan, begayan kaw heman te pedowan wedad temanan.

2 Korinto 13:4

Wedà kulu si Cristo inlansang diyà te kros, meneng neantay sikandin lekat te nematay so doen tolos te Timanem kidoen kandin. Iling a kenyan, so pengkey melomay se lawa ko, meneng kitaen niyo kwani te binegayan a te Timanem te eneg amon megpelumun kenyo.

2 Korinto 6:16

Eked kepakay aw simbahen se inotaw doton te balay te Timanem. Se kedita tadon egpemenal, sikitadon se balay eg-ogpaan te Timanem wedad temanan din. Iling te inikagi te Timanem tepad te menge Judiyo gebii, kagi din, “Meg-ogpà a kidoen kandan. Doen inangen ko kidoen kandan. Siak se simbahen dan, aw siak se megtabang kandan.”

Impekità 22:1

Penga niyan, impekità din kanak se wayeg iningedanan Wayeg Mekebegay te Kaling Pedowan. Ontò iyan metìngaw iling te ispiho, aw egtebol kidoen te onsedanan te Timanem aw Karniro.

Menge Hebreo 11:16

Meneng wedà dan olì doton, so doen ibeg dan meg-ogpà doton te ogpeanan labi pa mèpiya, sìyan ogpeanan doton te langit. Doun niyan, wedà keyàyà se Timanem te egtewalen dan sikandin Timanem dan, aw yan impetagad din den se ogpeanan dan.

Juan 6:57

Insogò a te Amay ko wedad temanan din, aw doen heman pedowan ko wedad temanan lekat kandin. Iling heman kenyan se otaw komaen kanak, so yan se otaw begayan te pedowan wedad temanan pineokit kanak.

Mat. 22:32

‘Siak se Timanem gayed egseligan i Abraham, aw si Isaac, aw si Jacob.’ Kenà otaw wedad pedowan se egsalig te Timanem, meneng otaw doen pedowan se egsalig kandin.”

Mar. 12:27

Yan kenà otaw wedad pedowan se egsalig te Timanem, meneng otaw doen pedowan se egsalig kandin. Yan se doun te ontò kaw migkemalì.”

Luc. 20:39

Doen kidoen menge menenoladà te punù, aw minikagi dan, “Sir, ontò mèpiya se intaba no kandan.”