Luc. 20:26 - Manobo Sarangani

²⁶ Pengkey ibeg dan doen kemalì te kagi din diyà te otaw netipon kidoen, meneng wedad palos kemalì kinità dan. Nepela dan tandà te pegtaba din kenyan, aw nepenek dan.

Luc. 20:26 ပူးပေါင်းရင်းမြစ်များ

Luc. 20:20

Yan olò dan migtagad te mèpiya aldaw. Doen heman menge otaw insogò dan migpelingo-lingo te tomaking kandin, meneng olò dan nengemahà aw doen kemalì te ikegiyen din amon doen idimanda dan tepad kandin aw ipedakep te gobirnador.

Tito 1:10

Yan se kagi ko kamno so medita se otaw kenà egpenenalan te kebenalan. Eg-akal dan te menge doma otaw pineokit te ipegtoladà dan wedad ontong. Judiyo se keditaan dan egtoladà te keilangan tomolò se kedita te otaw nemenal ki Cristo te menge punù ingkeliwat i Moises.

Roma 3:19

Na, netegahan tadon te yan se kagi te Timanem tepad te kedita tadon menge Judiyo, so kemonaan tadon se kineliwatan i Moises te menge punù. Yan eked kidon pekeikagi te wedad salà tadon, so okomen te Timanem se kedita te otaw te keneyonan.

Luc. 13:17

Peg-ikagi din kenyan, ontò neyàyà se kedita dan migpoon kandin. Meneng ontò neluba se kedita te otaw so medita se kepelahan eg-inangen din.

Mat. 22:34

Pegdineg te menge Parisiyo te dinaeg i Jesus se menge Sadusiyo, netipon dan aw dimoton dan heman ki Jesus.

Mat. 22:22

Pegdineg dan kenyan, nepela dan, aw nesayo dan lekat kandin.

Mat. 22:12

Minikagi se selotan, ‘Elew, nengà lay dimini ka te wedad saol no iling te keilangan gemiten te otaw tomanod te peipid?’ Meneng wedad palos intaba din.

Mat. 8:10

Pegdineg i Jesus te kagi din, ontò nepela. Penga niyan, minikagi sikandin diyà te menge otaw timaking kandin, “Eneng-enengi niyo se kagi ko kenyo seini. Pengkey kidoen te menge bowad-bowad i Israel, wedad palos otaw netelaan ko simalig diyà kanak iling te pegsalig din.

Luc. 11:54

Ibeg dan peden ketelaan dan se kemalì diyà te kagi din amon doen idimanda dan tepad kandin.