Luc. 20:24 - Manobo Sarangani

²⁴ “Pekitai niyo kanak se kwarta ipegbayad niyo te mihoras. Sinu lay bawa se insawol kidoen? Sinu lay ngadan se insolat kidoen?” Timaba dan, “Selotan te Roma.”

Luc. 20:24 ပူးပေါင်းရင်းမြစ်များ

Mat. 18:28

Meneng pegkesayo te otaw sìyan, kinità din se doma otaw doton te dalan doen ontò deitek salà diyà kandin. Pegketà, pineleng din se lieg te otaw sìyan aw minikagi, ‘Impasi den se salà no kanak.’

Filipos 4:22

Pengkey kedita te menge sakop te Timanem dini, aw labi pa se menge otaw egterbaho doton te balay te selotan, ibeg te kedita dan metaga-taga kaw te eg-aneng-aneng dan kenyo.

Ininang 26:32

Minikagi heman si Agripas diyà ki Festo, “Simpana wedà din pemoyoi te si Cesar se meg-osay kandin, yan mepakay aw ipelowà nikaw.”

Ininang 11:28

Si Agabo se sebad kandan. Impeikagi sikandin te Espiritu Santo te agpet den domateng se bitil diyà te kedita te ogpeanan. Netoman iyan dalem te peglowan i Claudio doton te Roma.

Luc. 23:2

Migdimanda dan tepad ki Jesus, kagi dan, “Kinità day se otaw seini megsamok peden te pongan day, so migtoladà sikandin te eked kepakay aw mayad kay te mihoras diyà te gobirno te Roma. Migpelingo-lingo heman sikandin Misiyas, sìyan selotan lomowan kenami.”

Luc. 20:22

Nayan, indani kay den. Lomàpang kidon lay te menge punù ingkeliwat i Moises aw mayad kidon te mihoras diyà te gobirno te Roma? Mepakay lay aw eked?”

Luc. 3:1

Nayan, pegkenamay, dimateng se ikesempolò teg lima se omay te peglowan i Tiberio kidoen te Roma. Si Poncio Pilato se gobirnador kidoen te Judiya. Limowan si Herod kidoen te Galiliya, aw kedowa din si Felipe se limowan kidoen te Itorya aw Trakoniti. Limowan si Lisanias kidoen te Abilina.

Luc. 2:1

Nayan, dalem te peglowan i Cesar Augusto doton te Roma, doen impunù din te keilangan megpelista se kedita te otaw nesakop te gobirno te Roma.

Mat. 20:2

Migpakang sikandin te doen kwarta ibegay din diyà kandan sebad dinaryo, so botong iyan itandan te sebad se aldaw. Penga niyan, dimoton dan te pawà din aw migterbaho dan.

Mat. 22:20

Mig-insà si Jesus, “Sinu lay bawa se insawol kidoen? Sinu lay ngadan se insolat kidoen?”

Luc. 20:23

Meneng netegahan i Jesus te medaet se tod dan te peg-insà dan kenyan. Yan minikagi sikandin,

Luc. 20:25

Minikagi si Jesus, “Yan begayi niyo diyà te selotan se keilangan ibegay niyo diyà kandin, aw begayi niyo heman diyà te Timanem se keilangan ibegay niyo diyà kandin.”

Mar. 12:16

Penga niyan, imbegay dan diyà kandin se kwarta plata. Mig-insà si Jesus, “Sinu lay bawa se insawol kidoen? Sinu lay ngadan se insolat kidoen?” Timaba dan, “Selotan te Roma.”