Luc. 20:16 - Manobo Sarangani

¹⁶ Domoton sikandin aw imetayan din se kedita dan. Penga niyan, ipetonggò din se pawà din te doma otaw.” Nayan, pegdineg te menge otaw te tegdeyanan sìyan, minikagi dan, “Eked iyan peden ketoman.”

Luc. 20:16 ပူးပေါင်းရင်းမြစ်များ

Luc. 19:27

Meneng labi pa medaet se pelumun ko diyà te menge poon ko, sìyan wedà keibeg te peglowan ko diyà kandan. Ibingi niyo dan dini kanak, aw imetayi niyo se kedita dan.’”

Ininang 13:46

Meneng wedà pegketalaw si Pablo aw si Bernabe, so timaba dan, “Keilangan sikiyo Judiyo se onà day indanan te kagi te Timanem. Meneng wedà kaw penenalan kenyan so eked kaw keibeg te kaling pedowan wedad temanan ibegay te Timanem. Doun niyan, meg-indan kay den te kagi te Timanem diyà te menge doma otaw kenà Judiyo.

Mat. 21:41

Timaba dan, “Ipeeleg din se mededaet otaw sìyan aw imetayan din se kedita dan. Penga niyan, ipetonggò din se pawà din te doma otaw keseligan, amon begayan dan sikandin te talad te kelikit te omay.”

Mat. 22:7

Neopal se selotan, aw insogò din se menge sondalo mengimatay kandan aw menonog heman te lonsod dan.

Mat. 21:34

Pegdateng te aldaw te peglegani, doen menge sineligan insogò te tig-apò amon doen talad din.

Mar. 12:9

“Nayan, meg-indan a den diyà kenyo aw eden se inangen te tig-apò diyà kandan. Domoton sikandin aw imetayan din se kedita dan, aw ipetonggò din se pawà din te doma otaw.

Luc. 20:15

Penga niyan, ginoyod dan sikandin doton te lowà te pawà aw inimetayan dan sikandin. “Nayan, meg-indan a den diyà kenyo aw eden se inangen te tig-apò diyà kandan.

Roma 3:4

Pengkey egkebolalaw se kedita te otaw, meneng kenà egkebolalaw se Timanem, so gayed sikandin egtoman te pakang din. Doen kagi te Timanem insolat, “Timanem, aw mikagi ka, ketegahan day te kebenalan se ikegiyen nikaw. Aw doen otaw megdimanda tepad kamno, sikona se menalo.”

Roma 3:6

Meneng eked kidon ikagi te medaet se Timanem aw ipelumun kidon din, so simpana kenà metòlid se inangen te Timanem, eked kepakay aw sikandin se meg-okom te kedita te otaw dini lanto te tanà.

Roma 3:31

Meneng ikà niyo eg-aneng-aneng te tinenanan tadon den se menge punù ingkeliwat i Moises pineokit te pegpemenal tadon ki Jesus. Meneng so nemenal kidon den ki Jesus, mekebatog kidon den tomolò te menge punù ingkeliwat i Moises.

Roma 6:2

Meneng eked iyan kepakay. Pegpesakop tadon diyà ki Cristo, iling kidon te otaw nematay so eked kidon den keibeg te salà. Yan eked den heman kepakay aw meg-inang kidon te salà.

Roma 6:15

Nayan, pengkey eneng-enengen te Timanem te metòlid kidon kenà pineokit te pegtolò tadon te menge punù ingkeliwat i Moises meneng pineokit te keido din, ikà niyo eg-aneng-aneng te mepakay aw meg-inang kidon te salà. Ikà niyo eg-aneng-aneng iling kenyan.

Roma 7:7

Nayan, doen besi menge otaw meg-aneng-aneng den te medaet se punù ingkeliwat i Moises. Meneng kenà iyan medaet, so pineokit te punù ingkeliwat i Moises, netegahan ko den aw eden se salà. Simpana wedad punù megsagda te peg-ingà, eked ko ketegahi te medaet se peg-ingà.

Roma 7:13

Meneng ikà niyo eg-aneng-aneng te mèpiya punù te Timanem se linekatan te kemetayun ko. Kenà iyan, so detengan a te kemetayun tandà te peglàpang ko te mèpiya punù sìyan, amon metaga-taga a te medaet se salà ininang ko. Pineokit te mèpiya punù te Timanem, impetaga-taga a te ontò medaet se salà ininang ko.

Roma 9:14

Nayan, doen besi menge otaw meg-aneng-aneng te medaet se ininang te Timanem so sebad olò se pinemallì din aw wedà din pemellii se doma. Meneng kenà medaet se pegpemallì din kenyan,

Roma 11:1

Nayan, pengkey wedad nael Judiyo nemenal, meneng ikà niyo eg-aneng-aneng te timinàyog se Timanem te kedita te Judiyo, so siaken heman sebad Judiyo. Si Abraham se kemonaan ko, aw nesakop a heman diyà te pongan i Benjamin.

Roma 11:11

Nayan, pengkey nekesalà se keditaan te Judiyo so wedà dan pemenal ki Cristo, meneng ikà niyo eg-aneng-aneng te eked den kepakay aw megselsel dan, so kenà iyan benal. Meneng so nekesalà se menge Judiyo, doen den menge otaw kenà Judiyo impelowà te Timanem lekat te salà. Impelowà din dan amon mingà se menge Judiyo kandan aw memenal dan heman.

1 Korinto 6:15

Netegahan niyo den te iling te ogpo lawa i Cristo se lawa niyo. Yan aw migsebad kaw den ki Cristo, eked kepakay aw ipedoma niyo se lawa niyo diyà te lawa te kepoyun. Ontò iyan eked kepakay.

Galasya 2:17

Na, aw ibeg day meg-aneng-aneng se Timanem te metòlid kay pineokit te pegpemenal day ki Cristo, keilangan mikagi kay te benal doen salà ininang day, iling te menge otaw kenà Judiyo. Pengkey eked peg-aneng-aneng se Timanem te metòlid kidon pineokit te pegtolò tadon te punù ingkeliwat i Moises, meneng eked keibeg si Cristo aw gayed kidon meg-inang te salà.

Galasya 3:21

Ikà niyo eg-aneng-aneng te pineokit te punù sìyan migkewedad se impakang te Timanem. Kenà niyan, so simpana mekekinawà kidon te pedowan wedad temanan pineokit te pegtolò te punù ingkeliwat i Moises, yan se peokit te meg-aneng-aneng se Timanem te metòlid kidon.

Galasya 6:14

Meneng se kanak, eked a keibeg domuyun te kanak pegkeotawun. Sebad olò se iduyun ko, yan se Pengolo tadon si Jesu Cristo. Nematay sikandin doton te kros amon megpelowà kenitadon lekat te salà. Pineokit te pegkematay din, kenà a den egkeallang te medaet ibeg te keneyonan, aw eked a den heman keibeg taking te mekeboyo.