Luc. 20:14 - Manobo Sarangani

¹⁴ Meneng pegdateng te batà din doton kandan, migpebelaw-belaway dan, ‘Seini se meketig-apò te tanà seini aw matay se amay din. Mèpiya aw imetayan tadon sikandin amon sikitadon se meketig-apò te tanà seini.’

Luc. 20:14 ပူးပေါင်းရင်းမြစ်များ

Roma 8:17

So batà kidon din, doen aldaw domateng aw kominawà kidon te kedita te kèpiyaan impetagad din kenitadon. Pengkey eden se ibegay din ki Cristo, yan heman se ibegay din kenitadon. Aw pemilangen kidon tandà te pegtaking tadon ki Cristo, ipelangkaw kidon heman doton te langit doma i Cristo.

Menge Hebreo 1:2

Meneng songkani, sebad den se ininang te Timanem, so pineokit te Batà din si Jesu Cristo se peg-ikagi din kenitadon. Pineokit heman ki Jesu Cristo se peg-inang te Timanem te keneyonan. Sikandin heman se pinemallì te Timanem amon menig-apò te kedita.

Ininang 3:15

Inimetayan niyo se egpemegay te kaling pedowan lekat te Timanem, meneng inantay sikandin te Timanem lekat te nematay. Benal iyan, so kinità day sikandin neantay.

Ininang 2:23

Pengkey tapay netegahan te Timanem aw eden se inangen niyo ki Jesus, meneng lekat te ibeg te Timanem se pegdakep niyo ki Jesus. Impelansang niyo sikandin te medaet otaw diyà te kros aw impeimatay niyo,

Luc. 22:2

Gayed mig-aneng-aneng se menge pengolo te simbahan aw menenoladà te punù aw eden se inangen dan amon imetayan dan si Jesus te eked dan keopali te kedita te otaw gayed egpenenalan kandin.

Luc. 20:19

Na, se menge menenoladà te punù aw pengolo te simbahan, netegahan dan te sikandan se nesogatan te tegdeyanan sìyan in-indan i Jesus, aw yan se doun te ibeg dan megdakep peden kandin te aldaw sìyan. Meneng wedà dan peketoman, so nelemitan dan te menge otaw gayed egpenenalan kandin aw domapit dan kandin.

Luc. 20:5

Penga niyan, migpebelaw-belaway dan aw eden se itaba dan kandin. Minikagi dan, “Simpana tomaba kidon te Timanem se simogò ki Juan, silahen kidon din, so wedà kidon pemenal ki Juan.

Luc. 19:47

Migtoladà si Jesus kidoen te dakel simbahan te Jerusalem te kelikit te aldaw. Meneng se kedita te pengolo te simbahan, aw menenoladà te punù ingkeliwat i Moises, aw menge dakel otaw, miglalang dan te imetayan dan si Jesus.

Mat. 21:25

Sinu lay se simogò ki Juan amon memonyag? Timanem, aw otaw se simogò kandin?” Penga niyan, migpebelaw-belaway dan aw eden se itaba dan kandin. Minikagi dan, “Simpana tomaba kidon te Timanem se simogò ki Juan, silahen kidon din, so wedà kidon pemenal ki Juan.

Mat. 16:7

Migpebelaw-belaway se menge tinoledaan din, kagi dan, “Yan se inikagi din so wedad pan inibing tadon.”

Mat. 21:34

Pegdateng te aldaw te peglegani, doen menge sineligan insogò te tig-apò amon doen talad din.

Luc. 20:13

Penga niyan, mig-aneng-aneng se tig-apò, ‘Megmeno a? Mèpiya aw isogò ko se batà ko egkedekelan ko te pedowan, so keilangan segmanen dan sikandin.’

Luc. 20:15

Penga niyan, ginoyod dan sikandin doton te lowà te pawà aw inimetayan dan sikandin. “Nayan, meg-indan a den diyà kenyo aw eden se inangen te tig-apò diyà kandan.