Luc. 20:13 - Manobo Sarangani

¹³ Penga niyan, mig-aneng-aneng se tig-apò, ‘Megmeno a? Mèpiya aw isogò ko se batà ko egkedekelan ko te pedowan, so keilangan segmanen dan sikandin.’

Luc. 20:13 ပူးပေါင်းရင်းမြစ်များ

Mat. 3:17

Penga niyan, dinineg dan se kagi te Timanem lekat te langit, “Seini se Batà ko. Dakel se pedowan ko kandin, aw ontò a neluba kandin.”

Galasya 4:4

Meneng pegdateng te aldaw tapay pinemallì te Timanem, insogò din dini te keneyonan se Batà din aw impekeotaw din amon pineokit kandin inangen kidon menge batà te Timanem. Insogò si Jesus doton te menge Judiyo aw ontò timolò te punù ingkeliwat i Moises amon ipelowà din se menge otaw egtolò te punù sìyan.

Roma 8:3

So medaet se pedowan tadon, eked kidon peketolò te menge punù ingkeliwat i Moises. Meneng tinebangan kidon te Timanem, so insogò din se Batà din dini te tanà. Migpekeotaw sikandin amon ipelumun tandà te salà tadon. Pineokit te pegkematay din, wedad den eneg te salà, aw eked kidon den keleges tomaking te medaet ibeg te pedowan tadon.

Juan 1:34

Yan se kinità ko den, aw iindan ko den kenyo te sikandin se Batà te Timanem.”

Luc. 9:35

Penga niyan, dinineg dan se kagi te Timanem lekat te labon, “Seini se Batà ko, aw pinemallì ko sikandin amon tomanen din se ibeg ko. Keilangan sikandin se penenelanen niyo.”

Mat. 17:5

Telobo pa minikagi si Pedro, doen labon melowa dimateng diyà kandan aw wedà dan ebey kità kandan. Penga niyan, dinineg dan se kagi te Timanem lekat te labon, “Seini se Batà ko. Dakel se pedowan ko kandin, aw ontò a neluba kandin. Keilangan sikandin se penenelanen niyo.”

Luc. 18:2

Minikagi sikandin, “Kidoen te sebad lonsod, doen howis kenà egpenimanem aw kenà heman egkeido te doma otaw.

Luc. 18:4

Meneng wedà pegtabang se howis kandin. Nayan, pegkenamay, mig-aneng-aneng se howis, ‘Pengkey kenà a egpenimanem aw kenà a heman egkeido te doma otaw,

Luc. 20:12

Penga niyan, doen iketelo sineligan insogò te tig-apò. Meneng ontò dan sikandin impeeleg, aw ginoyod dan doton te lowà te pawà.

Luc. 20:14

Meneng pegdateng te batà din doton kandan, migpebelaw-belaway dan, ‘Seini se meketig-apò te tanà seini aw matay se amay din. Mèpiya aw imetayan tadon sikandin amon sikitadon se meketig-apò te tanà seini.’