Luc. 20:1 - Manobo Sarangani

¹ Pegtoladà i Jesus te menge otaw netipon kidoen te dakel simbahan, migtoladà sikandin tepad te Mèpiya Indan. Dalem te pegtoladà din, dimateng se menge pengolo te simbahan aw menenoladà te punù aw menge obanen te Judiyo.

Luc. 20:1 ပူးပေါင်းရင်းမြစ်များ

Ininang 6:12

Pineokit kenyan, migsamok dan te menge doma otaw, aw menge obanen te simbahan, aw menenoladà te punù ingkeliwat i Moises. Penga niyan, ayas dan inewidan si Esteban. Inibing dan sikandin doton te menge obanen te simbahan amon okomen dan.

Ininang 4:1

Telobo pa minikagi si Pedro aw si Juan diyà te menge otaw netipon, dimateng diyà kandan se menge pengolo te simbahan, aw kapitan te polis egtonggò te dakel simbahan. Dimateng heman se menge otaw Sadusiyo egtoladà te wedad palos keentayan.

Juan 18:20

Timaba si Jesus, “Netegahan te kedita te otaw se inikagi ko, so gayed a egtoladà kidoen te menge simbahan te Judiyo aw kidoen heman te dakel simbahan dini te Jerusalem egtiponan te kedita te Judiyo. Wedà ko elesi se intoladà ko.

Luc. 8:1

Wedà kenamay, miglegeb si Jesus aw timeped te menge lonsod aw doma ogpeanan. Migtoladà sikandin te menge otaw te Mèpiya Indan tepad te peglowan te Timanem. Timaking heman kandin se sempolò teg dowa tinoledaan pinemallì din.

Mat. 26:55

Penga niyan, minikagi si Jesus diyà te kedita te otaw netipon, “Kolang se pegkekamang niyo te podok aw batota amon megdakep kaw kanak, so kenà a megdedempasay. Gayed a migtoladà doton te dakel simbahan, meneng wedà a niyo dekepi doton.

Luc. 20:2

Minikagi dan, “Indani kay te nengà lay eg-inang ka te kedita nini. Sinu lay se simogò kamno?”