Luc. 2:9 - Manobo Sarangani

⁹ Pegketà migpekità se anghil insogò te Pengolo diyà kandan, aw doen minanyag diyà kandan lekat te Pengolo. Ontò dan nelemitan.

Luc. 2:9 ပူးပေါင်းရင်းမြစ်များ

Mat. 1:20

Meneng dalem pa te peg-aneng-aneng din kenyan, doen anghil te Timanem migpekità diyà kandin pineokit te tegeinep, aw minikagi, “Jose, bowad-bowad i David, ikà eg-eked te peg-ipid no ki Maria, so miglaman sikandin pineokit te Espiritu Santo.

Luc. 1:28

Dimoton si Gabriel ki Maria aw minikagi, “Doen keluba nikaw. Ontò ka neidowan te Timanem aw gayed ka din eg-ipaten.”

Luc. 2:8

Nayan, medapag te lonsod te Bitlihim, doen menge telediyaga migpolaw se egtonggò te menge ayam-ayam karniro doton te tanà doen sagbet.

Luc. 24:4

Migkebulung dan aw eden se neinang. Penga niyan, kinità dan se didowa anghil kidoen, aw ontò mepotì se penenaktun dan.

Juan 12:41

Yan se inikagi i Isaias gebii, so tapay din netegahan te melangkaw se isogò te Timanem, aw yan se intoladà din.

Ininang 12:7

Pegketà minanyag se didalem te keleboso, so kimidoen se sebad anghil te Timanem. Pinemàdan din si Pedro aw linoka. Minikagi sikandin, “Ayas ka enaw.” Penga niyan, nelebad se sengkalì lekat te bebenayun din,

Ininang 27:23

So tengà te delem, doen anghil migpekità diyà kanak insogò te Timanem egsimbahen ko aw migsakop kanak.

Ininang 5:19

Meneng pegkedelem niyan, inowang te anghil te Timanem se tetakep te keleboso aw impelowà din dan. Doen impunù din kandan, kagi din,

2 Korinto 3:18

Wedad den belabag diyà te kedita tadon nemenal ki Cristo. Aw gayed tadon keleseban se kelangkaw te Pengolo, gayed heman elinen te Timanem se pegkesawol tadon, amon kitaen te doma otaw se kelangkaw te Pengolo diyà kenitadon. Yan se eg-inangen te Pengolo, sìyan Espiritu Santo, amon labi kidon pa megkelangkaw iling kandin.

2 Korinto 4:6

Peg-inang te Timanem te keneyonan, mengitngit aw penga niyan ininang din se kelowahan. Iling kenyan se ininang din kanak, so kedengan, iling te doen kengitngit diyà te pedowan ko, so wedà a kilala ki Jesu Cristo. Meneng linowa din den se pedowan ko amon ipekità din kanak se kelangkaw te Timanem diyà te bawa i Cristo.

1 Timoteo 3:16

Netegahan te kedita tadon te ontò mèpiya se kebenalan impetaga-taga te Timanem aw pinemenalan tadon. Migpekeotaw si Jesu Cristo aw dimini te tanà. Impetaga-taga te Espiritu Santo te metòlid sikandin. Kinità sikandin te menge anghil. Inindanan se menge otaw kenà Judiyo tepad kandin. Doen otaw nemenal kandin doton te kebelad te tanà. Inengat sikandin doton te langit.

Menge Hebreo 12:21

Ontò dan nelemitan tandà te kinità dan igsà minikagi si Moises te tinegangtang sikandin aw migpeso.

Impekità 18:1

Penga niyan, kinità ko se sebad anghil timenà lekat te langit. Melangkaw se gulal din, aw migkelowa se kedakel te keneyonan tandà te keanyag din.

Impekità 20:11

Penga niyan, kinità ko se mepotì onsedanan te peglowan ontò dakel, aw doen nenenoo kidoen. Ontò migpekediyò se tanà aw langit lekat kandin tandà te kelangkaw din, aw eked den dan kitai.