Luc. 2:7 - Manobo Sarangani

⁷ Yan timebaw se penganay batà din meama. Linempingan din se batà, aw impeibat din diyà te kènanan te ayam-ayam kidoen te kelokob, so wedad keombaan dan doton te balay eg-ogpaan te mepanaw.

Luc. 2:7 ပူးပေါင်းရင်းမြစ်များ

Genesis 42:27

Pegkedelem, minapit dan amon midegà. Doen sebad kandan mig-okal te sako din amon ipekaen se asno din, aw kinità din se kwarta diyà didalem te sako imbayad din te trigo.

Genesis 43:21

Meneng peg-idegà day diyà te dalan te peg-olì day, mig-okal kay te sako day, aw kinità day se kwarta imbayad te tegsebad-sebad kenami te kànen doton te lanto te trigo didalem te sako. Kidoen se kedakel niyan. Todà day heman inibing amon iolì day.

Mat. 1:25

Meneng wedà dan pegpeleyokay lamig timebaw se batà. Iningedanan i Jose se batà ki Jesus.

Mat. 13:55

Meneng netegahan tadon te sikandin se batà te karpintiro, aw si Maria se inay din. Netegahan tadon heman se menge kedowa din si Santiago, si Jose, si Simon, aw si Judas.

Mat. 8:20

Meneng minikagi si Jesus, “Mèpiya pa se menge menenanap te kebenesan, so doen ogpeanan dan. Mèpiya pa heman se menge manok, so doen heman embonganan dan. Meneng melima aw tomaking ka kanak Timanem Migpekeotaw, so wedad palos ibatan ko te delem.”

Luc. 10:34

Dimoton aw binolong din se palì te lana aw bino, aw binagkes din. Penga niyan, impesakay din diyà te kodà din, aw inibing din doton te balay eg-ogpaan te mepanaw, aw inipat din kidoen.

Luc. 2:6

Dalem pa te kidoen dan te Bitlihim, dimateng se aldaw te pegtebaw te batà din.

Luc. 2:8

Nayan, medapag te lonsod te Bitlihim, doen menge telediyaga migpolaw se egtonggò te menge ayam-ayam karniro doton te tanà doen sagbet.

Juan 1:14

Migpekeotaw sikandin iningedanan Kagi te Timanem, aw mig-ogpà sikandin doma kenami. Kinità day se kelangkaw din. Ontò sikandin melangkaw so sikandin se temisa Batà te Amay din. Ontò sikandin egpenabang, aw ontò benal se kagi din.

2 Korinto 8:9

Ikà niyo egkelibel te tabang te Pengolo tadon si Jesu Cristo, so peg-ogpà din doton te langit, sikandin se tig-apò te kedita, meneng tinenanan din se kedita niyan, aw migpekeotaw amon tebangan kaw din, amon lekat kenyan meketig-apò kaw te mèpiya doton te langit.

Galasya 4:4

Meneng pegdateng te aldaw tapay pinemallì te Timanem, insogò din dini te keneyonan se Batà din aw impekeotaw din amon pineokit kandin inangen kidon menge batà te Timanem. Insogò si Jesus doton te menge Judiyo aw ontò timolò te punù ingkeliwat i Moises amon ipelowà din se menge otaw egtolò te punù sìyan.