Luc. 2:48 - Manobo Sarangani

⁴⁸ Pegkità te amay aw inay din kandin, ontò dan nepela. Minikagi se inay din, “Atò, eked kepakay se ininang no diyà kenami, so ontò kay netetana, aw nengemahà kay kamno.”

Luc. 2:48 ပူးပေါင်းရင်းမြစ်များ

Mat. 12:46

Nayan, dalem te migtoladà pa si Jesus, dimateng se inay din aw menge kedowa din. Migtagad dan doton te lowà te balay, so ibeg dan megkità kandin.

Luc. 2:49

Minikagi si Jesus, “Nepela a so pinengemahà a niyo. Nepela a so wedà niyo ketegahi te keilangan dini a te balay te Amay ko.”

Luc. 3:23

Pegtebò i Jesus te pegtoladà din, menge ketlowan se omay din. Neeneng-enengan te kedita te otaw te si Jesus se ontò batà i Jose. Si Jose se batà i Heli.

Luc. 4:22

Mig-aneng-aneng se kedita te otaw te mèpiya se kagi din, aw nepela dan kenyan so eden dan aw olò sikandin batà i Jose.

Juan 1:45

Penga niyan, nengemahà si Felipe ki Natanael aw minikagi, “Kinità day se otaw impakang i Moises aw menge doma telekeliwat te kagi te Timanem te pegsolat dan gebii. Yan se tege Nasarit si Jesus, batà i Jose.”