Luc. 2:4 - Manobo Sarangani

⁴ Nayan, se selotan gebii si David, yan se kemonaan i Jose, aw yan se doun te nesayo si Jose lekat te Nasarit sakop te probinsya te Galiliya aw dimoton te probinsya te Judiya taman te lonsod te Bitlihim, so yan se lonsod tinikedowan i David.

Luc. 2:4 ပူးပေါင်းရင်းမြစ်များ

Genesis 35:19

Pegkematay i Raquel, inlebeng dan se lawa din medapag te dalan pesalo doton te lonsod te Efrata. (Se lonsod te Efrata, yan se iningedanan Bitlihim songkani.)

Genesis 48:7

Keidowan ko se didowa batà no sìyan tandà te dakel se pedowan ko diyà te inay no si Raquel. Ontò nepuluk se pedowan ko te pegkematay din doton te Canaan medapag te Efrata te peg-olì ko lekat te Mesopotamya. Inlebeng ko se lawa din medapag te dalan pesalo te Efrata.” (Se lonsod te Efrata, yan se iningedanan Bitlihim songkani.)

Mat. 1:20

Meneng dalem pa te peg-aneng-aneng din kenyan, doen anghil te Timanem migpekità diyà kandin pineokit te tegeinep, aw minikagi, “Jose, bowad-bowad i David, ikà eg-eked te peg-ipid no ki Maria, so miglaman sikandin pineokit te Espiritu Santo.

Mat. 2:23

Mig-ogpà dan doton te lonsod te Nasarit. Yan netoman se inikagi te menge telekeliwat te kagi te Timanem te tewalen si Jesus tege Nasarit.

Luc. 2:3

Migsiolì se kedita te otaw doton te lonsod te kandan kemonaan amon megpelista dan te ngadan.

Luc. 2:5

Yan se dinotonan te didowa dan si Maria amon megpelista si Jose. Mebedes den se salà din si Maria.

Luc. 4:16

Penga niyan, minolì si Jesus doton te Nasarit. Yan se lonsod tinillesan din. Pegkesebado, dimoton sikandin te simbahan te Judiyo, so yan se ketanem din. Timindeg sikandin amon megbasa te kagi te Timanem.

Juan 1:46

Minikagi si Natanael, “Wedad palos mèpiya lekat te Nasarit.” Minikagi si Felipe, “Ayas ka amon komità ka kandin.”

Juan 7:42

Doen kagi te Timanem insolat te keilangan pelimanan tadon se Misiyas bowad-bowad te kemonaan tadon si David. Tomebaw se Misiyas egpelimanan tadon kidoen te Bitlihim, so yan se lonsod inogpaan i David.”