Luc. 2:39 - Manobo Sarangani

³⁹ Nayan, pegtoman i Jose aw si Maria te kedita te punù te Pengolo ingkeliwat i Moises tepad te batà kaling timebaw, minolì dan doton te lonsod te Nasarit kidoen te probinsya te Galiliya.

Luc. 2:39 ပူးပေါင်းရင်းမြစ်များ

Mat. 3:15

Meneng minikagi si Jesus, “Tomani den se pegbonyag kanak, so keilangan tomoman ki den te kedita te ibeg te Timanem.” Penga niyan, migbonyag si Juan ki Jesus.

Luc. 1:26

Pegdateng te ikeenem se bolan te peglaman i Elisabet, insogò te Timanem se anghil si Gabriel doton te lonsod te Nasarit sakop te probinsya te Galiliya.

Luc. 1:6

Sìyan teleesawa, ontò dan nelubahan te Timanem so metòlid se eg-inangen dan. Wedad palos otaw mekesila kandan so ontò dan egtolò te menge punù te Pengolo.

Luc. 2:4

Nayan, se selotan gebii si David, yan se kemonaan i Jose, aw yan se doun te nesayo si Jose lekat te Nasarit sakop te probinsya te Galiliya aw dimoton te probinsya te Judiya taman te lonsod te Bitlihim, so yan se lonsod tinikedowan i David.

Luc. 2:51

Penga niyan, timaking si Jesus kandan aw minolì doton te Nasarit, aw timolò te amay aw inay din. Si Maria, insawol din se kedita niyan diyà te pedowan din aw mig-aneng-aneng kenyan.

Luc. 4:16

Penga niyan, minolì si Jesus doton te Nasarit. Yan se lonsod tinillesan din. Pegkesebado, dimoton sikandin te simbahan te Judiyo, so yan se ketanem din. Timindeg sikandin amon megbasa te kagi te Timanem.

Luc. 4:23

Minikagi heman si Jesus, “Meibeg kaw besi megpeaneng-aneng kanak te eg-ikegiyen tadon, ‘Aw doktor ka, keilangan ipetaga-taga no iyan pineokit te pegbolong no te kamno pegkeotawun.’ Dinineg niyo den te doen menge kepelahan ininang ko doton te Kapirnaom, aw mikagi kaw besi heman diyà kanak te keilangan inangen ko heman se menge kepelahan dini te kanak probinsya.