Luc. 2:38 - Manobo Sarangani

³⁸ Dalem pa te minikagi si Simeon diyà ki Maria, dimateng si Ana kidoen kandan, aw migpesiontong diyà te Timanem. Mig-indan heman sikandin tepad te batà diyà te kedita te otaw egpeliman te megpelowà se Timanem te menge Judiyo.

Luc. 2:38 ပူးပေါင်းရင်းမြစ်များ

Luc. 2:25

Nayan, doen sebad tege Jerusalem si Simeon. Eg-inang sikandin te metòlid, aw egtolò heman te Timanem. Gayed sikandin egpeliman te megpelowà se Timanem te menge bowad-bowad i Israel. Eg-ogpaan sikandin te Espiritu Santo,

2 Korinto 9:15

Mèpiya aw ontò kidon megpesiontong diyà te Timanem Amay, so mèpiya se tabang din kenitadon, so insogò din se Batà din si Jesus. Eked a pekebatog meg-indan te kedalem te tabang din, so ontò iyan mèpiya.

Luc. 24:21

Tapay kay migpeliman te sikandin se megpelowà te menge bowad-bowad i Israel. Meneng inimetayan dan sikandin te netelowan pa.

Luc. 1:68

“Iduyun se Pengolo tadon Timanem egseligan te kedita tadon menge bowad-bowad i Israel, so doen isogò din megpelowà kenitadon menge sakop din, aw imetayan sikandin iselilin kenitadon.

Efeso 1:3

Iduyun se Timanem, Amay te Pengolo tadon si Jesu Cristo. Mèpiya se tabang te Timanem kenitadon pineokit te ininang i Cristo, so binegayan kidon din te kedita te kèpiyaan lekat te langit.

Luc. 2:36

Doen heman bayi egkeliwat te kagi te Timanem kidoen te dakel simbahan ngadan din si Ana. Si Panuel se ngadan te amay din, sakop te pongan iningedanan Aser, so si Aser se kemonaan dan. Nengognan si Ana te pito se omay, aw penga niyan nebalo. Ontò den lokes, so kewelowan teg epat se omay din. Egdoton sikandin te dakel simbahan, so egsimba sikandin te aldaw aw delem, aw migpowasa, aw migtawal-tawal.