Luc. 2:34 - Manobo Sarangani

³⁴ Migtawal-tawal si Simeon te ketebangan dan te Timanem, aw minikagi sikandin diyà te inay te batà si Maria, “Na, meinang se batà seini pengilala kitaen te medita bowad-bowad i Israel. Aw komità dan kandin, medita se otaw komulu kandin aw ipelumun dan, meneng medita se doma otaw somalig diyà kandin aw mekelowà dan lekat te pelumun,

Luc. 2:34 ပူးပေါင်းရင်းမြစ်များ

1 Korinto 1:23

Meneng se ipegtoladà day, yan se kebenalan tepad ki Cristo inlansang diyà te kros, pengkey egkebensi se menge Judiyo kenyan, aw eg-aneng-aneng se menge Griego te wedad ontong niyan.

Mat. 21:44

Aw mekedogsò se otaw kidoen te bato seini, melosek se menge tòlan din. Meneng aw kedegdagan se otaw te bato sìyan, mepolpog sikandin.]”

1 Pedro 4:14

Aw tompuyusen kaw tandà te pegtaking niyo ki Cristo, keilangan meluba kaw, so egbeyà-beyaan kaw te Espiritu Santo melangkaw.

Menge Hebreo 7:7

so se otaw megtawal-tawal tepad te doma, yan se labi pa melangkaw diyà te otaw tewal-tewalan din.

Roma 9:32

Wedà dan iyan kebatog so wedà dan salig diyà ki Cristo, meneng simalig dan diyà te mèpiya inang dan. So kimulu dan ki Cristo, iling dan te otaw nekedogsò diyà te bato kidoen te dalan.

Ininang 6:7

Penga niyan, gayed in-indan se kagi te Timanem doton te menge doma ogpeanan. Migkedita se otaw nemenal doton te Jerusalem, aw medita heman se pengolo te simbahan te Judiyo nemenal.

Ininang 24:5

Netegahan day te ontò medaet se otaw seini, so egsemoken din se kedita te Judiyo dini te kebelad te keneyonan, aw sikandin se egpengibing te menge otaw egpemenal te sebad otaw tege Nasarit.

Ininang 17:6

Meneng kinità dan olò si Jason aw menge doma otaw egpemenal, aw yan se inibing dan doton te menge konsiyal. Minikagi dan, “Dimini den se otaw migsamok te kedita te otaw te keneyonan.

Ininang 13:45

Meneng ontò miningà se menge Judiyo kenà egpemenal so kinità dan se medita otaw netipon. Yan migsawal dan ki Pablo aw migtompuyus dan heman kandin.

Ininang 4:26

Megsebad se pedowan te menge otaw eglowan dini te keneyonan amon mato dan te Pengolo aw isogò din.’

Juan 5:18

Pegdineg dan kenyan, labi dan pa meibeg mengimatay kandin. Neopal dan kandin so wedà sikandin taking te ketanem dan tepad te aldaw te peg-etod. Neopal dan heman so minikagi sikandin te Timanem se Amay din, aw pineokit kenyan onawa se kelangkaw din diyà te Timanem.

Juan 3:20

Se otaw eg-inang te medaet, yan se eked keibeg te kelowahan, aw megpekediyò dan kidoen te kelowahan amon eked ketegahi se inang din medaet.

Mat. 27:63

aw minikagi dan, “Sir, doen neeneng-enengan day. Te wedà pa kematay se otaw sìyan migpelingo-lingo Misiyas, minikagi sikandin te meantay lekat te nematay te iketelo te aldaw.

Mat. 12:46

Nayan, dalem te migtoladà pa si Jesus, dimateng se inay din aw menge kedowa din. Migtagad dan doton te lowà te balay, so ibeg dan megkità kandin.

Mat. 11:19

Pegdini ko Timanem Migpekeotaw, kinità dan se ketanem ko te egpengaen a aw eg-inem. Meneng kunù wedà dan penenalan kanak, aw minikagi dan te legoken a aw metiinem a, aw egsigelaken ko se menge iskribinti aw doma otaw nelegeb te salà. Meneng wedad beloyan, so ontò biyasa se Timanem, aw ketegahan iyan te kedita te otaw migpesakop diyà kandin aw komità dan te eg-inangen din.”

Genesis 47:7

Penga niyan, inibing i Jose se amay din si Jacob doton te selotan. Migtawal-tawal si Jacob amon mèpiya se ibegay te Timanem kandin,

Genesis 14:19

Migtawal-tawal sikandin amon mèpiya se ibegay te Timanem diyà ki Abram. Minikagi sikandin, “Mèpiya se ibegay diyà kamno lekat te Timanem Melangkaw, sìyan mig-inang te langit aw keneyonan.

Menge Hebreo 7:1

Si Melkisedec se selotan doton te lonsod te Salem, aw sikandin se telekagon te menge otaw egsimba te Timanem ontò melangkaw. Peg-olì i Abraham lekat te pegdaeg din te menge selotan migpoon kandin, simongon si Melkisedec kandin aw migtawal-tawal sikandin tepad ki Abraham amon begayan sikandin te Timanem te mèpiya.

Ininang 28:22

Meneng netegahan day olò te doen ekon otaw doton te kedita te doma lonsod neopal diyà te menge otaw egpemenal. Yan ibeg day menenalan te kamno kagi.”

Luc. 2:35

so ipetaga-taga din aw eden se aneng-aneng te kedita te otaw. Pengkey sikona, Maria, ontò ka kelimahan, so iling te dogsengen se posong nikaw.”