Luc. 2:27 - Manobo Sarangani

²⁷ Inibing te Espiritu Santo si Simeon doton te dakel simbahan kidoen te Jerusalem. Aldaw sìyan, inibing heman si Jesus te amay aw inay din doton te dakel simbahan amon tomolò dan te punù ingkeliwat i Moises tepad te deitek batà.

Luc. 2:27 ပူးပေါင်းရင်းမြစ်များ

Ininang 10:19

Dalem niyan te peg-aneng-aneng i Pedro te kinità din, minikagi se Espiritu Santo diyà kandin, “Na, tenà ka den, so doen telo otaw dimateng nengemahà kamno. Ikà egkulu te tomaking kandan, so insogò ko dan.”

Luc. 2:51

Penga niyan, timaking si Jesus kandan aw minolì doton te Nasarit, aw timolò te amay aw inay din. Si Maria, insawol din se kedita niyan diyà te pedowan din aw mig-aneng-aneng kenyan.

Luc. 2:48

Pegkità te amay aw inay din kandin, ontò dan nepela. Minikagi se inay din, “Atò, eked kepakay se ininang no diyà kenami, so ontò kay netetana, aw nengemahà kay kamno.”

Luc. 2:41

Nayan, kelikit te omay, gayed egdoton se amay aw inay i Jesus te Jerusalem amon tomanod dan te Pista te Pegpelowà.

Impekità 17:3

Penga niyan, doen impekità te Espiritu Santo kanak, aw inibing a te anghil doton te kebigtilan. Kinità ko se bayi simakay te melalag menenanap mebolot. Doen medita ngadan egtompuyus te Timanem insolat kidoen te lawa te menenanap sìyan, aw doen pito olo din aw sempolò se seka din.

Impekità 1:10

Aldaw te Linggo te pegsimba diyà te Pengolo tadon, doen impekità te Espiritu Santo dimateng kanak. Doen dinineg ko minikagi kidoen te getan ko. Iling te peg-edop te bodyong se peg-ikagi din, so ontò dakel.

Ininang 16:7

Pegkedapag dan doton te Misya, ibeg dan domoton te Bitinya, meneng todà dan sinagda te Espiritu Santo.

Ininang 11:12

Insogò dan lekat te Sesarya amon engayen a dan. Minikagi se Espiritu Santo diyà kanak te eked a kulu se tomaking kandan. Enem se otaw egpemenal timaking kanak lekat te Jopa. Pegdateng day doton te balay i Cornelio, minawop se kedita day.

Ininang 8:29

Simogò se Espiritu Santo ki Felipe, kagi din, “Egpangi aw tekingi se kelisa sìyan.”

Luc. 4:1

Egbeyà-beyaan si Jesus te Espiritu Santo. Pegkesayo din lekat te wayeg te Jordan, inibing sikandin te Espiritu Santo doton te kebigtilan.

Luc. 2:22

Dimateng se aldaw, dimoton si Jose aw si Maria te Jerusalem amon tomolò dan te punù ingkeliwat i Moises tepad te bayi kaling egtebawan. Inibing dan heman se batà si Jesus amon ibegay sikandin diyà te Pengolo,

Mat. 4:1

Penga te pegbonyag ki Jesus, inibing sikandin te Espiritu Santo doton te kebigtilan amon boyowen i Satanas.

Luc. 2:28

Pegkità i Simeon kandan, inabat din se batà aw inolid din. Penga niyan, dimuyun sikandin te Timanem, kagi din,

Galasya 4:4

Meneng pegdateng te aldaw tapay pinemallì te Timanem, insogò din dini te keneyonan se Batà din aw impekeotaw din amon pineokit kandin inangen kidon menge batà te Timanem. Insogò si Jesus doton te menge Judiyo aw ontò timolò te punù ingkeliwat i Moises amon ipelowà din se menge otaw egtolò te punù sìyan.