Luc. 2:26 - Manobo Sarangani

²⁶ aw impetaga-taga te Espiritu Santo kandin te eked sikandin kematay singed aw onà din kitaen se Misiyas isogò te Pengolo.

Luc. 2:26 ပူးပေါင်းရင်းမြစ်များ

Juan 8:51

Eneng-enengi niyo se kagi ko kenyo. Eked detengi te kemetayun se kedita te otaw tomolò te ipegtoladà ko.”

Menge Hebreo 11:5

Simalig heman si Enok diyà te Timanem gebii. Pineokit te pegsalig din, wedà sikandin kematay, so inibing sikandin te Timanem doton te langit. Penga niyan, wedà sikandin kitai dini te tanà, so inibing sikandin te Timanem. Doen kagi te Timanem insolat tepad kandin, te wedà pa sikandin ibingi doton te langit, neluba se Timanem kandin.

Luc. 9:27

Eneng-enengi niyo se kagi ko seini. Doen otaw dini kenyo eked kematay singed aw onà dan komità te peglowan te Timanem.”

Ininang 10:38

Simogò se Timanem kandin aw egbeyà-beyaan te Espiritu Santo. Pengkey peglegeb din, tinebangan din se menge otaw, aw pinegolian din se menge doma dinetengan te bosaw, so migtabang se Timanem kandin.

Ininang 2:36

Eneng-enengi niyo. Pengkey inlansang niyo si Jesus diyà te kros amon matay, meneng sikandin se ininang te Timanem Pengolo aw Misiyas.”

Ininang 17:3

Miglebad-lebad heman sikandin te kagi te Timanem insolat amon ontò dan kelebetan te keilangan pemilangen aw imetayan se Misiyas isogò te Timanem, aw penga niyan meantay heman lekat te nematay. Minikagi sikandin, “Si Jesus se Misiyas insogò te Timanem, sìyan intoladà ko kenyo.”

Ininang 9:20

Wedà kenamay, dimoton si Saulo te simbahan te Judiyo aw migtoladà diyà te otaw kidoen te si Jesus se Batà te Timanem.

Juan 20:31

Meneng insolat ko ini amon memenal kaw den te si Jesus se Misiyas megpelowà kenitadon aw sikandin se Batà te Timanem. Aw memenal kaw kandin, begayan kaw te kaling pedowan wedad temanan.

Juan 4:29

“Taking kaw kanak amon kitaen niyo heman se otaw mig-indan kanak te kedita te ininang ko. Sikandin besi se Misiyas megpelowà kenitadon.”

Juan 1:41

Pegketà nengemahà si Andres te kakay din si Simon, aw minikagi sikandin, “Kinità day se Misiyas.” (Se kedegdagan niyan, “Cristo.”)

Mat. 2:12

Nayan, migpunù se Timanem diyà kandan pineokit te tegeinep te eked kepakay aw lomikò dan doton ki Herod. Yan se doun te minokit dan te sebad dalan te peg-olì dan doton te kandan ogpeanan.

Luc. 2:29

“Pengolo ko, mepakay den diyà kanak aw meg-etod a aw matay a den, so netoman den se pakang no kanak,