Luc. 2:21 - Manobo Sarangani

²¹ Pegdateng te ikewalo te aldaw lekat te pegtebaw din, tinolì sikandin aw iningedanan ki Jesus, so yan se ngadan inikagi te anghil te wedà pa peglaman se inay din.

Luc. 2:21 ပူးပေါင်းရင်းမြစ်များ

Luc. 1:59

Pegdateng te ikewalo te aldaw lekat te pegtebaw din, netipon dan amon tolien aw ingedanan se batà. Ibeg dan ingedanan heman sikandin ki Zacarias, onawa te ngadan te amay din.

Luc. 1:31

Meglaman ka, aw tebawan ka te batà meama. Ingedanan no se batà ki Jesus.

Genesis 17:12

Se menge bowad-bowad nikaw heman te modi aldaw, keilangan tolien se kedita te batà dan meama te ikewalo te aldaw lekat te pegtebaw, sipat te kedita te allang niyo meama, pengkey tomebaw doton kenyo, aw pengkey beyadan diyà te doma otaw.

Filipos 2:8

Pegpekeotaw din, ininang din medanà se pegkeotawun din pineokit te pegtolò din te Amay din Igsà inimetayan sikandin inlansang doton te kros.

Mat. 3:15

Meneng minikagi si Jesus, “Tomani den se pegbonyag kanak, so keilangan tomoman ki den te kedita te ibeg te Timanem.” Penga niyan, migbonyag si Juan ki Jesus.

Mat. 1:25

Meneng wedà dan pegpeleyokay lamig timebaw se batà. Iningedanan i Jose se batà ki Jesus.

Mat. 1:21

Doen batà meama tomebaw diyà kandin ingedanan no ki Jesus, so sikandin se megpelowà te otaw lekat te salà.”