Luc. 2:14 - Manobo Sarangani

¹⁴ “Iduyun tadon den se Timanem doton diatas te langit. Begayan din te kelinaw te pedowan se otaw egkelubahan din dini te tanà.”

Luc. 2:14 ပူးပေါင်းရင်းမြစ်များ

Mat. 21:9

Migpegais se kedita te otaw timaking ki Jesus, pengkey nekeonà aw timetondog. Migpegais dan, “Iduyun se bowad-bowad i David. Iduyun se insogò te Pengolo tadon Timanem. Iduyun se Timanem.”

Luc. 1:79

so manyag sikandin diyà kenitadon pengkey iling kidon te otaw eg-ogpà diyà te kengitngitan aw nelemitan te kemetayun, amon ipeokit kidon din kidoen te dalan pesalo doton te kelinaw.”

Luc. 19:38

Migpegais dan, “Iduyun se Selotan seini insogò te Pengolo tadon Timanem. Begayan kidon din te kelinaw te pedowan lekat te langit. Iduyun den se Timanem.”

Luc. 2:13

Pegketà kinità dan se ontò medita anghil lekat te langit timaking kandin. Dimuyun dan te Timanem, kagi dan,

Luc. 2:15

Peg-olì te menge anghil doton te langit, gayed migpebelaw-belaway se telediyaga, kagi dan, “Domoton kidon den te Bitlihim amon kitaen tadon se neinang seini, sìyan impetaga-taga te Pengolo diyà kenitadon.”

Luc. 3:22

aw kinità dan se Espiritu Santo migpedanà diyà kandin iling te bawa te selepati. Dinineg dan heman se kagi te Timanem lekat te langit, “Sikona se Batà ko. Dakel se pedowan ko kamno, aw ontò a neluba kamno.”

Juan 14:27

“Ibegay ko den kenyo se kelinaw te pedowan. Kenaken kelinaw se ibowang kenyo. Eked pekebegay se otaw dini te keneyonan te kelinaw te pedowan ibowang ko den kenyo. Yan ikà niyo egketetana. Ikà niyo heman egkelemitan.

Juan 17:4

Impekità ko den dini te keneyonan te melangkaw ka, so tinoman ko den se kedita te impunù no kanak.

Juan 3:16

Ontò nedekelan te Timanem te pedowan se kedita te otaw, aw yan se doun te insogò din se Batà din temisa amon eked pelumuni se kedita te otaw memenal kandin, meneng begayan dan te kaling pedowan wedad temanan.

Ininang 10:36

Netegahan niyo te insogò te Timanem si Jesus diyà kenami menge bowad-bowad i Israel amon megtoladà kenitadon te mèpiya indan tepad te kelinaw te pedowan ibegay din diyà te otaw memenal ki Jesu Cristo, so sikandin se Pengolo te kedita tadon.

Roma 5:1

Nayan, so netegahan tadon den te inaneng-aneng den te Timanem te metòlid kidon tandà te pegpemenal tadon ki Jesu Cristo, wedad den ikeopal te Timanem kenitadon. Migsebad kidon diyà te Timanem pineokit te pegkematay te Pengolo tadon si Jesu Cristo.

Efeso 1:6

Iduyun tadon se Timanem so ontò mèpiya se keido din, so ontò kidon din tinebangan pineokit te Batà din egkedekelan din te pedowan.

Efeso 2:4

Meneng ontò kidon neidowan te Timanem, aw ontò kidon din nedekelan te pedowan,

Efeso 2:7

Yan se ininang din amon gayed metaga-taga se kedita te otaw te ontò dakel se tabang din kenitadon pineokit ki Jesu Cristo.

Filipos 2:11

So mikagi se kedita niyan te si Jesu Cristo se Pengolo te kedita dan, Aw yan iduyun dan se Timanem Amay.

Filipos 2:13

so doen eg-inangen te Timanem kenyo amon meibeg kaw tomolò kandin, aw amon mekebatog kaw tomolò te ibeg din.

Kolasas 1:20

Ibeg te Timanem, pegsebaden din se kedita diyà kandin, pengkey dini te tanà aw doton te langit, aw yan se ininang din pineokit te Batà din si Jesu Cristo, so lekat te pegkematay din doton te kros, mepakay aw megsebad se otaw aw Timanem.

2 Tesalonika 2:16

Ibeg day, entagen se pedowan niyo aw tebangan kaw te Pengolo tadon si Jesu Cristo aw Amay tadon Timanem amon mèpiya se kedita te inangen niyo aw ikegiyen niyo. Dakel se pedowan te Timanem kenitadon, aw pineokit te tabang din kenitadon neantag den se pedowan tadon wedad temanan, aw mèpiya den heman se pegpeliman tadon.

Impekità 5:13

Penga niyan, dinineg ko se pegdelangan te kedita kidoen te langit, aw tanà, aw pengkey kidoen didalem te tanà aw dagat. Migdelangan se kedita dan, kagi dan, “Iduyun sikandin egpenenoo kidoen te onsedanan te peglowan, Aw iduyun heman se Karniro. Keilangan segmanen dan, Aw ipelangkaw dan, Aw toloen dan te wedad temanan.”