Luc. 2:11 - Manobo Sarangani

¹¹ Doen timebaw gina seini kidoen te Bitlihim. Sikandin se Pengolo si Cristo megpelowà kenyo.

Luc. 2:11 ပူးပေါင်းရင်းမြစ်များ

Genesis 3:15

Inangen ko sikiyo megpepoonay, sikona aw bayi, kamno sakop aw kandin bowad-bowad. Bonalan te bowad-bowad din se olo nikaw, aw bengaen no se palo din.”

Genesis 49:10

Si Juda se mengawid te bangkà te selotan, so gayed lomowan se menge bowad-bowad din lamig domateng se ontò selotan, sìyan toloen te kedita te otaw.

Mat. 1:16

Si Jacob se amay i Jose. Si Jose se esawa i Maria inay i Jesus. Si Jesus se ginulal Misiyas insogò te Timanem.

Mat. 1:21

Doen batà meama tomebaw diyà kandin ingedanan no ki Jesus, so sikandin se megpelowà te otaw lekat te salà.”

Mat. 16:16

Timaba si Simon iningedanan din ki Pedro, kagi din, “Sikona se Misiyas. Sikona se Batà te Timanem.”

Mat. 16:20

Penga niyan, ontò migpunù si Jesus te keilangan eked dan indani diyà te doma otaw te sikandin se Misiyas.

Luc. 1:43

Nepela a so pengkey sikona se inay te Pengolo ko, meneng limaoy ka kanak.

Luc. 1:69

Doen isogò te Timanem metolos megpelowà kenitadon, sìyan bowad-bowad i David egtolò te Timanem gebii.

Luc. 2:26

aw impetaga-taga te Espiritu Santo kandin te eked sikandin kematay singed aw onà din kitaen se Misiyas isogò te Pengolo.

Luc. 2:4

Nayan, se selotan gebii si David, yan se kemonaan i Jose, aw yan se doun te nesayo si Jose lekat te Nasarit sakop te probinsya te Galiliya aw dimoton te probinsya te Judiya taman te lonsod te Bitlihim, so yan se lonsod tinikedowan i David.

Juan 1:41

Pegketà nengemahà si Andres te kakay din si Simon, aw minikagi sikandin, “Kinità day se Misiyas.” (Se kedegdagan niyan, “Cristo.”)

Juan 1:45

Penga niyan, nengemahà si Felipe ki Natanael aw minikagi, “Kinità day se otaw impakang i Moises aw menge doma telekeliwat te kagi te Timanem te pegsolat dan gebii. Yan se tege Nasarit si Jesus, batà i Jose.”

Juan 11:27

Timaba si Marta, “Ee, Pengolo. Nemenal a te sikona se Batà te Timanem. Sikona se Misiyas insogò din dini te keneyonan.”

Juan 20:31

Meneng insolat ko ini amon memenal kaw den te si Jesus se Misiyas megpelowà kenitadon aw sikandin se Batà te Timanem. Aw memenal kaw kandin, begayan kaw te kaling pedowan wedad temanan.

Juan 4:25

Minikagi se bayi, “Netegahan ko te domateng se Misiyas amon megpelowà kenitadon, sìyan isogò te Timanem iningedanan Cristo. Aw domateng sikandin, lebaden din se kedita te kebenalan diyà kenitadon.”

Juan 4:42

Minikagi dan diyà te bayi, “Nemenal kay den kenà olò pineokit te inikagi no kenami, meneng nemenal kay den so nenenalan kay den kandin, aw netegahan day den te ontò sikandin se megpelowà te kedita te otaw.”

Juan 6:69

Nemenal kay den kamno, aw netegahan day te wedad salà no aw sikona se insogò te Timanem.”

Juan 7:41

Minikagi se menge doma otaw, “Sikandin se Misiyas megpelowà kenitadon.” Meneng doen heman menge doma otaw minikagi, “Kenà sikandin se egpelimanan tadon, so kenà tege Galiliya se Misiyas megpelowà kenitadon.

Ininang 10:36

Netegahan niyo te insogò te Timanem si Jesus diyà kenami menge bowad-bowad i Israel amon megtoladà kenitadon te mèpiya indan tepad te kelinaw te pedowan ibegay din diyà te otaw memenal ki Jesu Cristo, so sikandin se Pengolo te kedita tadon.

Ininang 13:23

“Sebad bowad-bowad i David si Jesus. Sikandin se insogò te Timanem amon megpelowà te otaw lekat te salà. Sikandin se tapay din impakang diyà kenitadon, so sikitadon se bowad-bowad i Israel.

Ininang 17:3

Miglebad-lebad heman sikandin te kagi te Timanem insolat amon ontò dan kelebetan te keilangan pemilangen aw imetayan se Misiyas isogò te Timanem, aw penga niyan meantay heman lekat te nematay. Minikagi sikandin, “Si Jesus se Misiyas insogò te Timanem, sìyan intoladà ko kenyo.”

Ininang 2:36

Eneng-enengi niyo. Pengkey inlansang niyo si Jesus diyà te kros amon matay, meneng sikandin se ininang te Timanem Pengolo aw Misiyas.”

Ininang 5:31

Penga niyan, inantay sikandin te Timanem metolos aw ininang din melangkaw doton te langit, so sikandin se lomowan kenitadon aw megpelowà kenitadon lekat te salà. Ibeg din megselsel kaw te salà amon pegwedaden din se salà niyo.

1 Korinto 15:47

Se Tagnà Adam, yan se lekat te tanà, so ininang te Timanem se lawa din lekat te tanà. Meneng se Ikedowa Adam si Cristo, yan se lekat te langit.

Filipos 2:11

So mikagi se kedita niyan te si Jesu Cristo se Pengolo te kedita dan, Aw yan iduyun dan se Timanem Amay.

Filipos 3:8

Yan pengkey eden se mèpiya inang ko kedengan, netegahan ko den te wedad palos ontong ko kenyan, so labi pa mèpiya se pegtaking ko te Pengolo tadon si Jesu Cristo. Pegpemenal ko kandin, tinenanan ko se kedita te doma egseligan ko. Tinenanan ko se wedad ontong amon tomaking a ki Cristo,

Kolasas 2:6

Pegpemenal niyo ki Jesu Cristo, neinang sikandin Pengolo niyo, aw yan keilangan tomaking kaw kandin te kelikit te aldaw.

1 Juan 4:14

Kinità day se Batà te Timanem migpekeotaw, aw mekeikagi kay te benal sikandin insogò te Timanem Amay amon megpelowà te kedita te otaw lekat te salà.

1 Juan 5:1

Se kedita te otaw nemenal te si Jesus se Misiyas, yan se menge batà te Timanem. Aw dakel se pedowan tadon te Timanem Amay, dakel heman se pedowan tadon te kedita te menge batà din.