Luc. 19:9 - Manobo Sarangani

⁹ Minikagi si Jesus, “Aldaw seini, mekelowà ka den lekat te salà, so nemenal ka den kanak iling te pegpemenal i Abraham gebii.

Luc. 19:9 ပူးပေါင်းရင်းမြစ်များ

Galasya 3:7

Se kedita te otaw memenal, yan se menge otaw inangen te Timanem iling te bowad-bowad i Abraham amon begayan din dan te impakang din ki Abraham.

Luc. 13:16

Aw mepakay tebangan se ayam-ayam te aldaw te peg-etod, mepakay heman aw kegolian se bayi seini sebad bowad-bowad i Abraham aw impeeleg i Satanas te sempolò teg walo se omay. Keilangan tebangan sikandin pengkey aldaw te peg-etod.”

Roma 4:16

Yan olò otaw egpemenal se begayan te Timanem te impakang din. Ibegay din iyan kenitadon pineokit te tabang din amon metoman iyan ibegay diyà kenitadon timetondog ki Abraham. Kenà olò Judiyo egtolò te menge punù ingkeliwat i Moises se begayan te Timanem, meneng begayan din heman se kedita te otaw egpemenal kandin iling te pegpemenal i Abraham, so neinang si Abraham olo te kedita tadon egpemenal.

1 Pedro 2:10

Kedengan, kenà kaw menge sakop te Timanem, meneng songkani sakop kaw din den. Kedengan, wedà kaw ketaga-taga te doen keido te Timanem, meneng songkani dinetengan kaw den te keido din.

Galasya 3:29

So migsebad den se pedowan niyo diyà ki Cristo, nekeakop kaw den diyà te menge bowad-bowad i Abraham, aw begayan kaw heman te mèpiya impakang te Timanem.

Galasya 3:14

Pineokit te pegkematay i Jesu Cristo, se kèpiyaan impakang te Timanem ki Abraham gebii, yan se minapet den diyà te kedita te otaw pengkey kenà Judiyo, amon mekekinawà kidon te Espiritu Santo, sìyan impakang te Timanem ibegay diyà te kedita te otaw memenal.

Luc. 3:8

Aw migselsel kaw den, petega-tegahi niyo iyan pineokit te eg-inangen niyo. Ikà niyo eg-aneng-aneng te eked kaw pelumuni so bowad-bowad kaw i Abraham. Eneng-enengi niyo se kagi ko seini. Pengkey se menge bato seini te lanto te tanà, mepakay iyan inangen te Timanem menge bowad-bowad i Abraham amon somelilin dan kenyo.

Luc. 2:30

so ontò a den kimità te insogò no megpelowà kenami.

Luc. 13:30

Na, doen menge otaw medanà songkani, meneng meinang dan melangkaw kidoen te peglowan te Timanem. Doen heman menge otaw melangkaw songkani, meneng meinang dan kwani medanà.”

Luc. 16:24

Timawal sikandin, ‘Apò Abraham, keidowi a bag. Sogoi si Lazaro megbawog te intetodò din diyà te wayeg amon ipetedak diyà te dilà ko, so ontò a ineleg dini te apoy seini.’

Luc. 16:30

Minikagi se otaw meyaman, ‘Apò, eked dan penenalan kenyan. Meneng aw doen otaw meantay lekat te nematay isogò no doton kandan, metoman dan megselsel te salà dan.’