Luc. 19:5 - Manobo Sarangani

⁵ Pegdateng i Jesus doton te kayo pinenitan i Sakeo, limengag sikandin aw minikagi, “Sakeo, ayas ka tenà, so keilangan meg-ogpà a kidoen te balay no te aldaw seini.”

Luc. 19:5 ပူးပေါင်းရင်းမြစ်များ

Impekità 3:20

Na, dini a den te kenyo lelebangan aw egtawal a diyà kenyo. Aw domineg kaw kanak aw meg-owang kaw kanak te tetakep, yan mawop a, aw komaen a doma kenyo, aw megpesigelakay kidon.

Juan 14:23

Timaba si Jesus, “Aw dakel se pedowan te otaw kanak, tomolò sikandin te punù ko. Kedekelan heman sikandin te Amay ko te pedowan, aw domoton kay kandin aw meg-ogpà kay kidoen te pedowan din.

Menge Hebreo 13:2

Ikà niyo egkelibel te keilangan megsagman kaw te otaw mepanaw, pengkey wedà niyo kilelai. Liyag kaw kandan, so doen migsagman te otaw minapit doton kandan, meneng wedà dan ketaga-taga te menge anghil se minapit doton kandan.

Juan 1:48

Minikagi si Natanael, “Nemeno lay se pegketaga-taga no kanak?” Minikagi si Jesus, “Te wedà ka pa engayi i Felipe, tapay ta kinità kidoen te kayo igira.”

Efeso 3:17

Egpemoyò a diyà te Timanem te gayed meg-ogpà si Cristo diyà te pedowan niyo tandà te pegpemenal niyo kandin. Egpemoyò a heman diyà kandin amon labi pa megkedakel se pedowan niyo diyà te Timanem aw diyà te doma otaw.

Luc. 19:10

Dimini a te tanà Timanem Migpekeotaw amon tewalen ko se otaw nelegeb te salà, aw ipelowà ko dan.”

2 Korinto 6:1

Egtoloen ko se Timanem simogò kanak aw seini se ipegtoladà ko. Aw nekekinawà kaw te tabang te Timanem, pekitai niyo te doen ontong niyo pineokit te peg-inang niyo te metòlid.

Luc. 19:2

Doen tege Jeriko ngadan din si Sakeo. Sikandin se pengolo te kedita te iskribinti aw ontò meyaman.

Luc. 19:4

Na, kimagnan sikandin doton te monà kidoen te dalan okitan i Jesus, aw nenayit diyà te dakel kayo amon komità ki Jesus.

Luc. 19:6

Ayas timenà si Sakeo, aw inibing din si Jesus doton te balay din, aw migsagman kandin, aw neluba se pedowan din.