Luc. 19:44 - Manobo Sarangani

⁴⁴ Imetayan kaw dan, aw ontò dan heman pegbàtan se kedakel te lonsod niyo aw gobalen dan heman se kedita te balay niyo. Yan se metoman domateng diyà kenyo so wedà niyo ketegahi te seini se aldaw te pegpelowà te Timanem kenyo.”

Luc. 19:44 ပူးပေါင်းရင်းမြစ်များ

Luc. 21:6

“Doen aldaw domateng te pegbàtan se dakel simbahan induyun niyo seini. Tigkan iyan kebàtan, aw wedad palos bato ketenanan diyà te lanto te doma bato.”

1 Pedro 2:12

So tengtengen kaw te menge otaw wedà pa pemenal te Timanem, yan keilangan ontò metòlid se eg-inangen niyo, amon aw mikagi dan te doen salà niyo, metaga-taga dan beling te mèpiya se eg-inangen niyo, aw yan se doun te iduyun dan se Timanem te aldaw te pegdateng din.

Luc. 19:42

Minikagi sikandin, “Mekelelayò kaw tege Jerusalem. Ibeg ko peden mekeabat kaw den te kelinaw te pedowan. Meneng wedà niyo kitai se keokit niyan.

Luc. 1:68

“Iduyun se Pengolo tadon Timanem egseligan te kedita tadon menge bowad-bowad i Israel, so doen isogò din megpelowà kenitadon menge sakop din, aw imetayan sikandin iselilin kenitadon.

Mat. 24:2

Meneng minikagi si Jesus, “Pengkey induyun niyo se simbahan seini, meneng mikagi a kenyo te tigkan iyan kebàtan te modi aldaw, aw wedad palos bato ketenanan diyà te lanto te doma bato.”

Luc. 1:78

Yan se inangen te Timanem so gayed egkeido aw dakel se pedowan din. Iling te peglibtak te aldaw se pegdateng din amon megpelowà kenitadon,

Mar. 13:2

Minikagi si Jesus, “Pengkey induyun niyo se dakel simbahan seini, meneng tigkan iyan kebàtan te modi aldaw, aw wedad palos bato ketenanan diyà te lanto te doma bato.”