Luc. 19:28 - Manobo Sarangani

²⁸ Penga te peg-ikagi i Jesus kenyan, nekeonà sikandin te doma otaw pesalo doton te Jerusalem.

Luc. 19:28 ပူးပေါင်းရင်းမြစ်များ

Luc. 9:51

Sagwa agpet den domateng se aldaw te pegkeengat i Jesus doton te langit, miglalang sikandin domoton te Jerusalem.

1 Pedro 4:1

Timayod si Cristo te kelimahan te pegdini din te lanto te tanà. Yan aw detengan kaw te kelimahan, keilangan meg-aneng-aneng kaw tepad te pegtayod din te kelimahan. Aw meketayod se otaw te kelimahan, yan se pengilala te kimulu den sikandin meg-inang te salà,

Menge Hebreo 12:2

Keilangan tomaking kidon ki Jesus, so sikandin se ontò tadon peg-ilingan te pegsalig tadon diyà te Timanem, aw meinang heman melobos se pegsalig tadon diyà te Timanem pineokit te tabang i Jesus. Timayod sikandin te kelimahan te peglansang kandin doton te kros. Wedà sikandin keyàyà te neinang diyà kandin, meneng timayod sikandin te peg-imatay kandin, so netegahan din te meluba sikandin aw mepenga se kedita niyan. Egpenenoo den sikandin kidoen te tangkil te Timanem Amay din aw eglowan doma din.

Luc. 18:31

Nayan, migtipon si Jesus te sìyan sempolò teg dowa tinoledaan din, aw minikagi sikandin, “Na, domoton kidon den te Jerusalem amon metoman se kedita te pakang insolat te menge telekeliwat te kagi te Timanem tepad kanak Timanem Migpekeotaw.

Luc. 12:50

Meneng keilangan onà a kelimahan. Ontò melima se pegtagad ko kenyan. Ibeg ko peden mepenga den.

Juan 18:11

Minikagi si Jesus diyà ki Pedro, “Olii se podok diyà te lomà, so keilangan detengan a te kelimahan imbegay te Amay ko diyà kanak.”

Luc. 10:30

Timaba si Jesus, “Doen sebad Judiyo nesayo lekat te Jerusalem pesalo doton te Jeriko. Peg-ipanaw din, nesàban sikandin te megdedempasay. Inabat dan se kedakel te kedònan din, aw binadas dan sikandin. Penga niyan, tinenanan dan sikandin iling te nematay.