Luc. 19:26 - Manobo Sarangani

²⁶ Timaba se selotan, ‘Penenalan kaw te kagi ko. Se otaw egkeseligan, yan se begayan ko te labi pa dakel. Meneng se otaw kenà egkeseligan, yan se ebatan ko te imbegay ko diyà kandin.

Luc. 19:26 ပူးပေါင်းရင်းမြစ်များ

2 Juan 1:8

Yan peg-ahà kaw amon eked pegkewedad se ontong tepad te ininang niyo, meneng kinewaen niyo se ontong te modi aldaw.

Luc. 8:18

“Nayan, keilangan toloen niyo se dinineg niyo. Se otaw kominawà te kebenalan, yan se dogangan te kebenalan. Meneng se otaw eked kinawà te kebenalan, yan se pegwedadan te kebenalan.”

Mat. 21:43

“Eneng-enengi niyo se kagi ko kenyo. Yan se doun te eked kaw sekopi te Timanem diyà te peglowan din, meneng sekopen din se menge doma otaw ontò tomolò te ibeg din. [

Mat. 13:12

Se otaw kominawà te kebenalan, yan se dogangan te kebenalan amon labi pa dakel diyà te keilangan din. Meneng se otaw eked kinawà te kebenalan, yan se pegwedadan te kebenalan.

Mar. 4:25

Se otaw kominawà te kebenalan, yan se dogangan te kebenalan. Meneng se otaw eked kinawà te kebenalan, yan se pegwedadan te kebenalan.”

Impekità 2:3

Netegahan ko heman te medalem pa se pedowan niyo dalem te pegtayod niyo te kelimahan, pengkey pinemilang kaw tandà te pegsalig niyo kanak. Wedà kaw heman lokas.

Impekità 3:11

Na, lomikò a te eked kenamay. Tiboki niyo se pegsalig niyo diyà kanak amon wedad mekeagaw te ontong intagò kenyo.

Luc. 16:3

Nayan, mig-aneng-aneng se sineligan, ‘Agpet den wedad otaw megtandan kanak. Megmeno a? So kenà botong se keseg ko amon meg-inang a te pawà, aw meyàyà a aw meinang a metipemoyò.

Ininang 1:20

“Doen kagi tapay insolat diyà te libro te Delangan, ‘Kebàtan se inogpaan din. Wedad otaw meg-ogpà kidoen.’ Doen heman insolat, ‘Mèpiya aw isawol se doma otaw somelilin kandin.’ Yan se kagi impesolat te Timanem.

Luc. 19:25

Meneng minikagi dan, ‘Pengolo, eked iyan kepakay, so tapay den doen sebad melalan diyà kandin.’