Luc. 19:10 - Manobo Sarangani

¹⁰ Dimini a te tanà Timanem Migpekeotaw amon tewalen ko se otaw nelegeb te salà, aw ipelowà ko dan.”

Luc. 19:10 ပူးပေါင်းရင်းမြစ်များ

Mat. 1:21

Doen batà meama tomebaw diyà kandin ingedanan no ki Jesus, so sikandin se megpelowà te otaw lekat te salà.”

Mat. 10:6

Meneng doton kaw te menge bowad-bowad i Israel. Keilangan tebangan niyo dan so iling dan te menge ayam-ayam karniro migketading.

Mat. 15:24

Minikagi si Jesus, “Olò menge bowad-bowad i Israel se sinogoan kanak tebangan ko, so iling dan te menge karniro migketading.”

Mat. 18:10

“Keilangan eked kaw peglindò te sakop ko medanà iling te kedanà te mengisù seini, so mikagi a den diyà kenyo te egtonggoan dan te menge anghil gayed egdoma te Amay ko doton te langit. [

Mat. 18:11

Dimini a Timanem Migpekeotaw amon ipelowà ko se menge otaw nelegeb te salà.]

Luc. 15:32

Meneng keilangan megpelelahay kidon aw megpelubahay kidon, so eden ko aw nematay den se adi no, meneng neantay pa kedì. Netalon sikandin, meneng kinità.’”

Luc. 15:8

“Aw doen sempolò se kwarta te bayi plata meelagà, aw metalon se sebad, temteman din se solò, aw ponasan din heman se balay, aw ontò din pemehaen lamig kitaen din.

Juan 3:17

Insogò te Timanem se Batà din dini te keneyonan kenà amon ipelumun din se otaw, meneng insogò din amon megpelowà te otaw.

Roma 5:6

Kedengan te wedà kidon pa pemenal, neallang kidon te salà. Meneng pegdateng te aldaw pinemallì te Timanem, nematay si Cristo amon megpelowà kenitadon egpekesalà.

Menge Hebreo 7:25

Yan se doun te gayed sikandin mekebatog megpelowà te kedita te otaw megpedapag diyà te Timanem pineokit kandin. So wedad temanan din, gayed sikandin egpemoyò diyà te Amay din te itabang din kandan.