Luc. 18:7 - Manobo Sarangani

⁷ Labi pa metoman se Timanem egpenabang te otaw pinemallì din aw egpengenganay dan diyà kandin te kelikit te aldaw aw delem. Eked sikandin peg-alà-alà,

Luc. 18:7 ပူးပေါင်းရင်းမြစ်များ

2 Pedro 3:9

Pengkey doen otaw eg-aneng-aneng te eg-enggaen te Timanem se pegtoman din te pakang, meneng kenà din eg-enggaen. Ontò medalem se pedowan din, so eked sikandin keibeg te doen otaw kebàtan. Ibeg din megselsel se kedita te otaw te salà dan.

Luc. 11:13

Nayan, pengkey doen medaet eg-inangen niyo, meneng gayed mèpiya se ipegpemegay niyo diyà te menge batà niyo. Labi pa se Amay niyo Timanem kidoen te langit, so egpemegay sikandin te Espiritu Santo diyà te kedita te otaw memoyò diyà kandin.”

1 Timoteo 5:5

Meneng se bayi balo wedad palos menogpò kandin aw sebad din olò, Timanem olò se egseligan din, aw gayed sikandin egtawal-tawal aw egpemoyò te tabang din te kelikit te aldaw aw delem.

Impekità 6:10

Timawal dan te dakel se kagi dan, “E Pengolo Metolos, ontò ka egkeseligan, aw ontò metòlid se eg-inangen nikaw. Menamay lay pa se pegtoman no te pegpelumun te otaw eg-ogpà kidoen te keneyonan tandà te pegpengimatay dan kenami?”

2 Tesalonika 1:6

Ontò metòlid se eg-inangen te Timanem, aw yan ipelumun din se menge otaw nemilang kenyo.

Mat. 7:11

Nayan, pengkey doen medaet eg-inangen niyo, meneng gayed mèpiya se ipegpemegay niyo diyà te menge batà niyo. Labi pa se Amay niyo Timanem kidoen te langit, so egpemegay sikandin te mèpiya diyà te kedita te otaw memoyò diyà kandin.

Impekità 18:20

Keilangan meluba kaw tege langit, so nebàtan den iyan. Keilangan meluba kaw menge sakop te Timanem, aw sogounun i Cristo, aw telekeliwat te kagi te Timanem, so impelumun den te Timanem se lonsod sìyan tandà te pegpemilang niyan kenyo.

1 Tesalonika 3:10

Pengkey aldaw aw delem, gayed kay egtawal-tawal diyà kandin aw egpemoyò kay te mekebatog kay komità kenyo amon meketabang kay kenyo aw kolang pa se pegtaking niyo kandin.

Kolasas 3:12

Pinemallì kaw te Timanem, aw sinakop kaw din, aw egkedekelan kaw din te pedowan. Yan keilangan todaen niyo se keogpà niyo, so keilangan megpeidoway kaw, aw meg-inang kaw te mèpiya diyà te doma otaw. Keilangan megpedanà kaw te pegkeotawun niyo. Keilangan medalem se pedowan niyo. Keilangan melayat se pedowan niyo.

Roma 8:33

Wedad palos mekeikagi te doen pa salà tadon. Pinemallì kidon te Timanem aw sikandin se mig-aneng-aneng te metòlid kidon.

Impekità 7:15

Yan se doun te timindeg den dan kidoen te monà te onsedanan te Timanem. Eg-ogpà dan kidoen te dakel simbahan din pengkey aldaw aw delem, aw gayed dan egtolò te ibeg din. Eg-ipaten dan heman te Timanem eg-ogpà kidoen te onsedanan te peglowan.

Tito 1:1

Siak si Pablo se simolat kani. Sineligan a te Timanem aw sogounun a i Jesu Cristo. Insogò a din megtabang te menge otaw pinemallì te Timanem amon metibok se pegsalig dan kandin aw pegketaga-taga dan te kebenalan pinemenalan tadon.

2 Timoteo 1:3

Wedad ikeyàyà ko diyà te Timanem egtoloen ko iling te pegtolò te menge kemonaan ko kandin. Aldaw aw delem, gayed a egpesiontong diyà kandin tepad kamno te pegtawal-tawal ko diyà kandin.

Mat. 24:22

Meneng pekebebaen te Timanem se kenamay te aldaw te kelimahan sìyan amon eked kegelà se kedita te otaw. Pekebebaen din iyan tandà te menge otaw pinemallì din.

Mat. 24:24

Doen menge otaw domateng megpelingo-lingo te sikandan se Misiyas aw menge telekeliwat te kagi te Timanem. Meg-inang dan heman te menge kepelahan amon keekalan dan peden heman se menge otaw pinemallì te Timanem.

Luc. 21:28

Na, aw kitaen niyo se pegketoman niyan, keilangan meluba kaw, so ipelowà kaw te Timanem te eked kenamay.”

2 Timoteo 2:10

Yan se doun te egpeketayod a te kelimahan dimateng kanak amon ketebangan ko se menge otaw pinemallì te Timanem, so ibeg ko mekelowà dan heman lekat te salà pineokit te pegpemenal dan ki Jesu Cristo, aw kominawà dan heman te kaling pedowan wedad temanan.

1 Pedro 1:1

Se solat seini lekat kanak si Pedro. Siak se sebad sogounun i Jesu Cristo. Seini se solat ko te kedita niyo menge sakop te Timanem impekadas lekat te kenyo ogpeanan, aw eg-ogpà den doton te menge probinsya te Ponto, Galasya, Kapadosya, Asya, aw Bitinya.