Luc. 18:43 - Manobo Sarangani

⁴³ Pegketà, kimità sikandin, aw timaking ki Jesus. Gayed din pinesiontongan se Timanem. Dimuyun heman te Timanem se kedita te otaw kimità te pegpegolì kandin.

Luc. 18:43 ပူးပေါင်းရင်းမြစ်များ

Galasya 1:24

Yan se doun te dimuyun dan te Timanem, so nemenal a den ki Jesu Cristo.

Ininang 26:18

amon ketegahan dan se kebenalan, amon tomanan dan te kengitngit aw megpesalo dan diyà te kelowahan, amon mekelowà dan lekat te belad i Satanas aw megpesakop dan diyà te Timanem, aw pegwedaden din se salà dan pineokit te pegpemenal dan diyà kanak, amon kinewaen dan heman se ontong ibegay te Timanem diyà te kedita te batà din.’

Ininang 11:18

Pegdineg dan te inikagi din, wedà den dan sila kandin, meneng induyun dan se Timanem, so minikagi dan, “Pengkey menge otaw kenà Judiyo, mepakay aw megselsel dan te salà aw somalig dan ki Jesus amon begayan dan te Timanem te kaling pedowan.”

Ininang 4:21

Meneng labi pa miglamit se menge obanen te simbahan kandan aw migpelowà dan kandan, so wedà dan ketegahi aw eden se ipelumun dan kandan, so dimuyun se kedita te otaw te Timanem te pegkegolì te otaw kapig.

Luc. 13:17

Peg-ikagi din kenyan, ontò neyàyà se kedita dan migpoon kandin. Meneng ontò neluba se kedita te otaw so medita se kepelahan eg-inangen din.

Luc. 5:26

Ontò nepela se kedita dan, aw induyun dan se Timanem. Nelemitan dan aw migpebelaw-belaway dan, “Sebad indà se kinità tadon seini.”

Luc. 4:39

Penga niyan, dimoton si Jesus kandin, aw migpetunung te keinit te lawa din. Pegketà migkèpiya sikandin, aw minenaw amon meg-inang te kànen i Jesus aw menge doma din.

Mat. 21:14

Dimoton se menge otaw bota aw kapig te dakel simbahan, aw pinegolian dan i Jesus.

Mat. 11:5

Doen menge bota kimità den. Doen heman kapig minipanaw den. Doen tompigun negolian den. Doen bingelen dimineg den. Doen heman nematay neantay den. Doen menge otaw sagkep tinoledaan te Mèpiya Indan.

Mat. 9:8

Pegkità te doma otaw kenyan, ontò dan nelemitan, aw dimuyun dan te Timanem so insogò din si Jesus amon megwedad te salà te otaw.

1 Pedro 2:9

Meneng kenà kaw iling kandan, so sikiyo se pinemallì te Timanem aw ininang kaw menge batà din. Ininang kaw din menge pengolo te simbahan eglowanan i Cristo. Ininang kaw din menge sakop din egpenimanem, aw tinig-apò kaw din heman. Pinemallì kaw din amon meg-indan kaw te doma otaw tepad te menge mèpiya ininang din diyà kenyo, so pegtawal din kenyo amon megpesakop kaw diyà kandin, inalin kaw din lekat te kengitngit doton te mèpiya kelowahan din.

Luc. 19:37

Pegkedapag i Jesus te lonsod te Jerusalem, te wedà pa topang te bontod te Olibo, migtebò se kedita te otaw timaking kandin dimuyun te Timanem te dakel se kagi dan. Ontò dan neluba aw migpesiontong dan diyà te Timanem so medita se kepelahan ininang i Jesus tapay dan kinità.

Luc. 9:43

Ontò nepela se kedita te otaw kidoen, so netegahan dan te ontò melangkaw se Timanem. Dalem te nepela pa se kedita te otaw tandà te ininang i Jesus, minikagi sikandin diyà te menge tinoledaan din,