Luc. 18:37 - Manobo Sarangani

³⁷ Minikagi se menge doma, “Minokit dini si Jesus tege Nasarit.”

Luc. 18:37 ပူးပေါင်းရင်းမြစ်များ

Mat. 2:23

Mig-ogpà dan doton te lonsod te Nasarit. Yan netoman se inikagi te menge telekeliwat te kagi te Timanem te tewalen si Jesus tege Nasarit.

2 Korinto 6:2

Doen inikagi te Timanem, “Pegdateng te aldaw tapay pinemallì ko, impekità ko se keido ko kamno, aw tinebangan ta te pegkelowà nikaw.” Eneng-enengi niyo den ini. Seini den se aldaw tapay pinemallì te Timanem. Seini den se aldaw te pegpelowà te Timanem te menge otaw lekat te salà.

Ininang 4:10

Indanan ko den sikiyo aw kedita te doma niyo bowad-bowad i Israel. Negolian se otaw kindoen pineokit te ngadan i Jesu Cristo tege Nasarit. Si Jesus se inimetayan niyo, meneng inantay te Timanem lekat te nematay.

Ininang 2:22

“Na, menge kedomaan ko Judiyo, penenalan kaw te ikegiyen ko. Si Jesus tege Nasarit, yan se impetaga-taga te Timanem te sikandin se insogò din. Impetaga-taga din iyan pineokit te peg-inang din te inang metolos, aw kepelahan, aw ledyawan. Ontò niyo netegahan iyan so neinang iyan dini kenyo.

Juan 19:19

Doen insolat i Pilato aw impesawol din iyan doton diatas te olo i Jesus, kagi niyan, “Seini si Jesus tege Nasarit, Selotan te menge Judiyo.”

Juan 1:45

Penga niyan, nengemahà si Felipe ki Natanael aw minikagi, “Kinità day se otaw impakang i Moises aw menge doma telekeliwat te kagi te Timanem te pegsolat dan gebii. Yan se tege Nasarit si Jesus, batà i Jose.”

Luc. 2:51

Penga niyan, timaking si Jesus kandan aw minolì doton te Nasarit, aw timolò te amay aw inay din. Si Maria, insawol din se kedita niyan diyà te pedowan din aw mig-aneng-aneng kenyan.

Luc. 18:36

Pegdineg din te medita otaw limaklak, mig-insà sikandin aw eden se neinang.

Luc. 18:38

Penga niyan, timawal sikandin, “Jesus, bowad-bowad i David, keidowi a bag.”