Luc. 18:32 - Manobo Sarangani

³² Metoman a ibegay diyà te belad te menge otaw kenà Judiyo. Kebebeyatan a, aw pemilangen a, aw teptepan a.

Luc. 18:32 ပူးပေါင်းရင်းမြစ်များ

Luc. 23:11

Gayed nebebayat si Herod aw kedita te sondalo din, aw migpelingo-lingo dan te pegsagman dan kandin iling te pegsagman dan te selotan. Penga niyan, pineseolan i Herod si Jesus te ontò mèpiya saol iling te ekasan te selotan, aw impelikò din doton ki Pilato.

Ininang 3:13

Timanem se egseligan te kemonaan tadon si Abraham, si Isaac, aw si Jacob. Timanem se migpegolì kandin amon iduyun se Batà te Timanem si Jesus. Kedengan insogò din si Jesus dini te tanà, meneng sikiyo se otaw nemegay kandin diyà te belad te gobirno. Pengkey ibeg i Pilato ipelowà din si Jesus, meneng simagda kaw kandin amon imetayan se insogò te Timanem.

Mar. 14:65

Lekat niyan, tineptepan dan sikandin, aw doen nenampeng te mata din aw nenombag kandin, aw minikagi dan, “Na, etoki aw sinu se nenombag kamno.” Nenombag heman kandin se menge otaw migtonggò te dakel simbahan.

Mat. 26:67

Penga niyan, tineptepan dan se bawa din, aw sinombag dan sikandin. Doen heman menge otaw nenampeng te mata din aw nenampak te bawa din,

Mat. 16:21

Lekat niyan, mig-indan si Jesus diyà te menge tinoledaan din aw eden se metoman domateng diyà kandin. Keilangan domoton sikandin te Jerusalem, aw ipeeleg sikandin te menge obanen aw pengolo te simbahan aw menenoladà te punù ingkeliwat i Moises. Metoman sikandin imetayan, aw penga niyan meantay lekat te nematay te iketelo aldaw.

Ininang 2:23

Pengkey tapay netegahan te Timanem aw eden se inangen niyo ki Jesus, meneng lekat te ibeg te Timanem se pegdakep niyo ki Jesus. Impelansang niyo sikandin te medaet otaw diyà te kros aw impeimatay niyo,

Juan 18:35

Timaba si Pilato, “Kenà a Judiyo. Meneng menge doma no Judiyo aw menge pengolo te simbahan niyo se nengibing kamno dini kanak. Indani a aw eden se salà ininang nikaw.”

Juan 18:30

Timaba dan, “Simpana wedad salà ininang din, eked day ibingi dini kamno amon ipelumun nikaw.”

Juan 18:22

Peg-ikagi din kenyan, doen sebad otaw egtonggò nenampak ki Jesus. Minikagi heman sikandin, “Eked kepakay aw iling kenyan se pegtaba no diyà te ontò pengolo te simbahan.”

Luc. 23:35

Timengteng kandin se kedita te otaw netipon kidoen. Meneng se menge obanen te Judiyo, migbaet-baet dan kandin, kagi dan, “Migtabang sikandin te doma otaw netigdaan amon eked dan pa kematay. Kitaen tadon den aw meketabang sikandin te kandin pegkeotawun amon eked kematay. Kitaen tadon heman aw benal sikandin se Misiyas insogò te Timanem, sìyan tapay pinemallì din.”

Luc. 23:1

Penga niyan, timindeg se kedita dan netipon, aw nengibing dan ki Jesus doton te gobirnador si Pilato.

Mat. 27:2

Penga niyan, ginapos dan si Jesus, aw inibing dan sikandin doton te gobirnador si Pilato.

Juan 18:28

Penga niyan, inibing dan si Jesus lekat te balay i Caifas pesalo doton te balay inogpaan te gobirnador insawol te gobirno te Roma. Ontò dan limapos se pegpesalo dan doton. Wedà awop se menge obanen te Judiyo diyà te balay te gobirnador amon eked dan pekelàpang te punù ingkeliwat i Moises kandan tepad te pegpelinis, so simpana mawop dan diyà te balay te otaw kenà Judiyo, eked kepakay aw makop dan komaen te Pista te Pegpelowà.

Mar. 15:1

Nayan, peglibtak te aldaw sìyan, netipon se kedita te pengolo te simbahan, aw menge obanen te Judiyo, aw menge menenoladà te punù ingkeliwat i Moises. Netipon se kedita dan amon meglalang dan aw eden se inangen dan. Penga niyan, ginapos dan si Jesus, aw inibing dan sikandin doton te gobirnador si Pilato.

Mat. 20:19

Ibegay a dan heman diyà te belad te otaw kenà Judiyo. Kebebeyatan a dan, aw bedasen a dan, aw penga niyan ilansang a diyà te kros amon matay a. Penga niyan, meantay a lekat te nematay te iketelo te aldaw.”

Mat. 22:6

Doen heman menge doma otaw minawid te sineligan, aw pinemilang dan, aw inimetayan dan.

Luc. 18:33

Bedasen a dan, aw penga niyan imetayan a dan. Meneng meantay a lekat te nematay te iketelo te aldaw.”

Juan 18:32

Neinang iyan amon metoman se inikagi i Jesus tepad te keokit te pegkematay din.