Luc. 18:30 - Manobo Sarangani

³⁰ yan se metoman kominawà te ontong labi pa dakel diyà te tinenanan din dalem te eked pa kematay, aw penga niyan, begayan heman sikandin te kaling pedowan wedad temanan te modi aldaw.”

Luc. 18:30 ပူးပေါင်းရင်းမြစ်များ

Impekità 2:17

Se kedita niyo domineg te kagi ko, keilangan tomolò kaw te kagi te Espiritu Santo diyà te kedita niyo egpemenal. Se kedita niyo eked dàgi te kededàtan, yan se begayan ko te pan intagò kenyo kidoen te langit. Begayan ko heman sikiyo te bato mepotì sinolatan te kaling ngadan. Se otaw begayan ko kenyan, yan olò se otaw metaga-taga aw sinu se ngadan insolat kidoen.’”

Mat. 12:32

Aw mikagi se otaw te medaet tepad kanak Timanem Migpekeotaw, aw megselsel sikandin, pegwedaden iyan te Timanem. Meneng aw mikagi se otaw te medaet tepad te Espiritu Santo, eked palos pegwedadi se salà din sìyan, pengkey seini aw modi aldaw.”

1 Timoteo 6:6

Benal doen ontong te otaw megpesakop diyà te Timanem, meneng wedad ontong din kenyan singed aw meg-aneng-aneng sikandin te botong se kedònan din.

1 Timoteo 4:8

Aw megpekagsen kidon te lawa tadon, doen ontong tadon. Meneng labi pa mèpiya se ontong tadon aw megpekagsen kidon tomolò te Timanem, so pineokit kenyan, mèpiya se keogpà tadon dini songkani aw doton heman te langit te modi aldaw.

Impekità 3:21

Se kedita te otaw eked dàgi te kededàtan, yan se ipeonsad ko kidoen te tangkil ko dalem te peglowan ko, iling te peg-onsad ko kidoen te tangkil te Amay ko penga te pegdaeg ko te kedita.

Impekità 2:10

Ikà niyo egkelemitan te kelimahan agpet domateng kenyo. Doen menge otaw kidoen kenyo ipekeleboso i Satanas amon ketegahan aw ontò kaw egsalig kanak. Keilangan pemilangen kaw te eked kenamay, menge sempolò se aldaw. Pengkey imetayan kaw, salig kaw diyà kanak, so begayan ko sikiyo te ontong, sìyan korona te kaling pedowan wedad temanan.

Mat. 4:24

Yan se doun te ontò sikandin nedengeg doton te kebelad te Sirya. Pinegolian din se kedita te otaw doen mesakit inibing diyà kandin, pengkey eden kemoloi te mesakit, aw otaw dinetengan te bosaw, aw otaw pigbaboy, aw otaw kenà egpekeiwal. Negolian se kedita dan.